Fréttasafn

Bleiki dagurinn var tekinn alla leið á Sléttuvegi í dag og starfsólk lét ekki sitt eftir liggja - mikið um dýrðir og mikið stuð.

Hlaðgerður Snæbjörnsdóttir, íbúi okkar á Hrafnistu fagnaði þeim merka áfanga, ásamt tvíburasystur sinni, að halda upp á100 ára afmæli sitt í dag. Engir tvíburar hafa áður náð 100 ára aldri hér á landi og eru þær systur því elstu tvíburar Íslandssögunnar.

Morgunblaðið greindi frá Elstu tvíburar Íslandssögunnar

Bleikur dagur við Laugarásinn. Það var glatt á hjalla og góð þátttaka við að klæðast bleiku hjá okkur í dag. Sendum hlýjar hugsanir til allra sem glíma og glímt hafa við brjóstakrabbamein.

Hausthátíð Hrafnistu Hraunvangi í Hafnarfirði var haldin hátíðlega í hádeginu í gær og þema hátíðarinnar var bleiki liturinn í tilefni af bleikum október. Venju samkvæmt var boðið upp á kótilettur ásamt öllu tilheyrandi og að sjálfsögðu var drukkið með malt og appelsín og boðið upp á ís í eftirrétt. Þeir gestir sem vildu gátu keypt sér léttvín með matnum.

Bjartmar Guðlaugsson og Þorgeir Ástvaldsson héldu gestum í góðum gír og eftir borðhaldið var ball með Silfursveiflunni. Alveg hreint frábær dagur í alla staði.

Nokkrir íbúar á Hrafnistu Skógarbæ skelltu sér í keilu í dag og skemmtu sér konunglega.

Alla föstudaga er slegið upp balli á Hrafnistu Hraunvangi í Hafnarfirði. Ballið er ávallt vel sótt og mikið fjör. DAS bandið og Hjördís Geirs kunna svo sannarlega að keyra stemninguna upp!

Vísir leit við á Hrafnistu Hraunvang sl. föstudag „Göngugrindahlaup og hjólastólarallý“ á vinsælum böllum á Hrafnistu  

Karlakór Reykjavíkur heimsótti íbúa á Hrafnistu Laugarási um helgina og glöddu söngmenn alla viðstadda með ljúfum söng.

Árlegur haustfagnaður Hrafnistu í Laugarási var haldinn í gærkvöldi, fimmtudaginn 6. október. Aríel Pétursson formaður Sjómannadagsráðs bauð gesti velkomna og vinir Ragga Bjarna sáu um að skemmta gestum og héldu uppi miklu fjöri. Matreiðslumenn hlutu einróma lof fyrir veislumatinn en venju samkvæmt var boðið upp á kótilettur í raspi með öllu tilheyrandi.