Hrafnista Hraunvangur í Hafnarfirði hóf starfsemi sína árið 1977 og er í eigu Sjómannadagsráðs.
Á heimilinu eru hjúkrunarrými fyrir 199 íbúa þar sem viett er sólarhrings hjúkrunar- og læknisþjónusta.
Inntaka íbúa á Hrafnistu Hraunvangi fer fram í gegnum Færni- og heilsumatskerfi Landlæknisembættisins.
Einnig eru í boði hvíldarrými sem sótt er um í gegnum Embætti Landlæknis. Hvíldarinnlögn er tímabundin dvöl í hjúkrunarrými. Markmið þjónustunnar er að gera öldruðum kleift að búa lengur á eigin heimili með því að viðhalda og auka lífsgæði þeirra með markvissu starfi og með því að veita aðstandendum stuðning og ráðgjöf. Meðan á hvíldarinnlögn stendur er lögð rík áhersla á styrkingu líkamlegra, andlegra og félagslegra þátta. Í hvíldarinnlögn njóta gestir allrar almennrar þjónustu sem Hrafnista býður íbúum heimilisins, þar með talið að taka þátt í almennu félagsstarfi og þeim viðburðum sem í boði eru.
Dagdvöl er starfrækt á Hrafnistu Hraunvangi. Markmið dagdvalar er liður í að viðhalda lífsgæðum einstaklinga, rjúfa félagslega einangrun og sem stuðningur við aðstandendur aldraðra sem búa í heimahúsi. Hrafnista Hraunvangi hefur leyfi fyrir 26 rýmum í dagdvöl.
Allar nánari upplýsingar um Hrafnistu í Hraunvangi má finna í Handbókin þín - íbúar og aðstandendur
Þeir sem óska eftir frekari upplýsingum um heimilið er bent á að senda tölvupóst á netfangið simihh[hja]hrafnista.is eða hringja í síma 585 3000.
Lífsgæðakjarni
Lífsgæðakjarni er hugtak sem nær yfir húsnæði, aðbúnað og þjónustu þar sem eldra fólk hefur aðgang að starfsemi sem bætir lífsgæði.
Lífsgæðakjarni samanstendur af hjúkrunarheimili, leiguíbúðum og þjónustumiðstöð. Með virku samstarfi þeirra sem þar búa, starfa og þangað sækja verður til kjarni með fjölbreyttri þjónustu, sem stuðlar að auknu öryggi, meiri vellíðan og bættum lífsgæðum eldra fólks.
Á Hrafnistu Hraunvangi er að finna fjölbreytta þjónustu eins og litla verslun, hárgreiðslustofu, fótaaðgerðarstofu, kaffihús, matsölu o.fl. Á lóð heimilisins, við Hraunvang 1-3, eru 64 leiguíbúðir í eigu Naustavarar, dótturfélags Sjómannadagsráðs. Innangengt er á milli leiguíbúðanna og Hrafnistu í Hraunvangi.
Aðstaðan
Hrafnista Hraunvangur í Hafnarfirði er staðsett á fallegum stað í hrauninu í norðurbæ Hafnarfjarðar. Leitast er við að hafa umhverfi vistlegt og öruggt. Fólk flytur því með sína persónulegu muni á herbergi sín, eftir því sem kostur er. Rík áhersla er lögð á að aðstandendur og vinir heimilisfólks rækti samband sitt við ættingja sína á heimilinu.
Kaffihús
 Sjá myndir |