Ísafold - Garðabæ

Hrafnista Ísafold ~ Sími 535 2200 ~ Strikinu 3 ~ 210 Garðabæ ~ kt. 600117-1300 ~ This email address is being protected from spambots. You need JavaScript enabled to view it.

Hrafnista Garðabæ Ísafold var opnað 1. febrúar 2017. Heimilið er rekið eftir nýrri hugmyndafræði í öldrunarþjónustu. Rík áhersla er lögð á sjálfsákvörðunarrétt og þátttöku íbúa. Tekið er það besta frá sjálfstæðri búsetu og sameinað öryggi hjúkrunarheimilis. Á Hrafnistu Garðabæ Ísafold búa 10 heimilismenn á hverri einingu á sex einingum. Þar starfa hjúkrunarfræðingar, læknar, sjúkraliðar, félagsliðar og starfsfólk við umönnun allan sólarhringinn.

Á Ísafold er rekin dagdvöl þar sem að jafnaði dvelja um 20 einstaklingar á hverjum virkum degi. Mikil samvinna er á milli hjúkrunarheimilisins og dagvalarinnar í ýmiskonar hópastarfi og afþreyingu.

Þeir sem óska eftir því að fá upplýsingar um heimilið er bent á að hafa samband við Láru Lárusdóttur í síma 535-2202 eða í netfangið This email address is being protected from spambots. You need JavaScript enabled to view it.

Vinsamlegast athugið að á meðan Hrafnista er á hættustigi vegna COVID-19 í þjóðfélaginu þá getum við því miður ekki boðið upp á þá þjónustu að skoða heimilin okkar.

Inntaka íbúa á Hrafnistu Garðabæ Ísafold fer fram í gegnum færni- og heilsumatskerfi Landlæknisembættisins.

Umsókn um færni- og heilsumat

Aðstaðan

Við hönnun og uppbyggingu á Ísafold var horft til þess nýjsta í hönnun hjúkrunarheimila á Íslandi. Að auki var leitað í smiðju Svæðisskrifstofu um málefni fatlaðra. Öll herbergi eru einbýli. Hvert herbergi er um 35 fermetrar, sameiginlegt svefnherbergi og stofa auk baðherbergis og eldhúskróks, þar sem er innrétting með ísskáp og vaski en einnig er þar að finna sjúkrarúm, náttborð og fataskáp á hjólum, gardinukappa og rúllugluggatjöld. Einnig er á herbergjunum öryggiskallkerfi, tengingar fyrir síma, sjónvarp og tölvu. Heimilismenn útvega síðan sjálfir annan húsbúnað og gluggatjöld ef þeir óska eftir að gera heimili sitt ennþá heimilislegra.