Hrafnista Hlévangur ~ Sími 422 0150 ~ Faxabraut 13 ~ 230 Reykjanesbæ ~ This email address is being protected from spambots. You need JavaScript enabled to view it.
Þann 12. mars 1957 gaf Jón Guðbrandsson í Keflavíkurbæ húseign sína að Faxabraut 14 með því takmarki að hún verði nýtt sem heimili fyrir eldri borgara. Húsinu sem var fokhelt, fylgdi með efni til miðstöðvar að undanskildum katli. Einu skilyrðin voru að Jón fengi að njóta ókeypis umönnunar á hinu væntanlega heimili. Jón var fæddur 3. febrúar 1894 á Fellsströnd í Dalasýslu. Hann stundaði landbúnaðarstörf, sjóróðra og verkamannavinnu. Jón fluttist til Keflavíkur 20. desember 1931. Árið 1981 tók Dvalarheimili aldraðara á Suðurnesjum við rekstri Hlévangs en að DS standa 4 bæjarfélög, Reykjanesbær, Vogar, Sandgerði og Garður. Þann 1. mars 2014 tók Hrafnista við rekstri heimilisins.
Þeir sem óska eftir því að fá upplýsingar um heimilið er bent á að hafa samband við Helgu Hjálmarsdóttur, hjúkrunardeildarstjóra, í síma 664-9589 eða í netfangið This email address is being protected from spambots. You need JavaScript enabled to view it.
Inntaka íbúa á Hrafnistu Hlévangi fer fram í gegnum færni- og heilsumatskerfi Landlæknisembættisins.
Umsókn um færni- og heilsumat má nálgast HÉR
Hugmyndafræði
Hrafnista í Reykjanesbæ, bæði Hlévangur og Nesvellir, eru rekin eftir danskri hugmyndafræði Lev og bo. Rík áhersla er lögð á sjálfsákvörðunarrétt og þátttöku íbúa. Starfsfólk og íbúar vinna saman við að skapa heimilislegt, hlýlegt og virkt samfélag og starfsmenn taka það besta frá sjálfstæðri búsetu og sameina það öryggi hjúkrunarheimilis. Starfsfólk og íbúar vinna saman að því að skapa heimilislegt, hlýlegt og virkt samfélag. Hugmyndafræði Lev og bo kemur fram í mörgum þáttum í hönnun húsnæðisins í Kópavogi, hún birtist m.a. í því að stoðeiningar heimilisins, s.s. starfsmannaaðstaða, aðstaða fyrir félagsstarf, dagvistun, iðjuþjálfun og endurhæfingu ásamt ýmsu fleiru í starfsemi hjúkrunarheimila, eru ekki staðsettar á sjálfu heimilinu, heldur í þjónustumiðstöð sem er í sérbyggingu samtengdri húsnæði Hrafnistu.
Aðstaðan
Skoðaðu þrívíddarmynd af herbergi á Hrafnistu Hlévangi með því að smella HÉR
