Fréttasafn

Mikil fjölgun eldra fólks er fyrirsjáanleg í íslensku samfélagi á næstu 15 árum. Einkum í hópi þeirra sem komnir eru yfir áttrætt. Fjöldinn mun meira en tvöfaldast, fara úr 14.000 manns í um 28.000 manns.

Þetta benda þær María Fjóla Harðardóttir stjórnarformaður Samtaka fyrirtækja í velferðarþjónustu (SFV) og Halla Thoroddsen stjórnarmaður í SFV á í grein sem birtist á visir.is í dag.

Hver ætlar að taka fimmtu vaktina? 

Kópavogsbær hefur samið við Hrafnistu um rekstur félagsmiðstöðvarinnar Boðanum í Boðaþingi en Hrafnista hefur frá árinu 2010 rekið 44 rýma hjúkrunarheimili  í sama húsnæði og 30 rýma dagdvöl. Unnið er að því að stækka hjúkrunarheimilið um 64 hjúkrunarrými og verður þeim framkvæmdum lokið í vor. Sjómannadagsráð, eigandi Hrafnistu, á og rekur einnig 95 leiguíbúðir í Boðaþingi í gegnum leigufélagið Naustavör. Boðinn verður áfram opinn öllum og boðið verður upp á fjölbreytta dagskrá og viðburði.

Hrafnista tekur við rekstri Boðans

Ráðstefna um Namaste meðferð fyrir fólk með heilabilunarsjúkdóma var haldin í London 25. september sl. en hugmyndafræði Namaste gengur út á að auka vellíðan fólks með langt gengin heilabilunarsjúkdóm. Sunnefa Lindudóttir hjúkrunardeildarstjóri á Hrafnistu í Skógarbæ var með erindi á ráðstefnunni þar sem hún fjallaði meðal annars um innleiðingu Namaste á Hrafnistu og hvernig Hrafnista vinnur með hugmyndafræðina.
Á Hrafnistu er Namaste hugsað fyrir fólk sem getur ekki tekið þátt í hefðbundnu félagsstarfi. Aðaláherslan er kærleiksrík snerting og að vinna með skynfæri eins og t.d. lykt, tónlist og bragðskyn.

Meðfylgjandi eru myndir frá ráðstefnunni í London. Félagsráðgjafinn Joyce Simard, sem þróaði þessa hugmyndafræði, var einnig með erindi á ráðstefnunni.

Í grein sem birtist á visir.is í dag er rætt við Maríu Fjólu Harðardóttur forstjóra Hrafnistuheimilanna. Í greininni talar María Fjóla m.a. um hversu dýrmætt það er að búa yfir traustum og góðum mannauði og að geta sótt sérfræðiþekkingu til starfsfólks innan Hrafnistu. Hún segir frá hugmyndafræði Hrafnistu og að undanfarna mánuði hafi staðið yfir innleiðing nýrrar tækni á Hrafnistuheimilunum sem hjálpar íbúum og starfsfólki. 

Greinina í heild sinni má lesa inn á visi.is  Á Hrafnistu vinna öll að sama markmiði 

Rannsóknarsjóður Hrafnistu auglýsir eftir umsóknum um styrki vegna verkefna tengdum öldrunarmálum. 

Markmið sjóðsins er að stuðla að nýjungum og þróun í málefnum aldraðra. Sjóðurinn er opinn öllum þeim sem stunda rannsóknir, formlegt nám eða hvað annað sem eflir þennan málaflokk hér á landi. Við hvetjum alla sem telja að verkefni þeirra styðji við þetta markmið til að sækja um styrk.

Hér má nálgast umsóknareyðublað og frekari upplýsingar um styrkinn.

Umsóknarfrestur er til 1. desember 2024. Fyrirspurnir sendist á netfangið This email address is being protected from spambots. You need JavaScript enabled to view it.

Stjórn Rannsóknarsjóðs Hrafnistu

Alþjóðlegur dagur Alzheimer var 21. september sl.  Alzheimer sjúkdómurinn er flókinn sjúkdómur sem snertir okkur öll. Aðstandendur þeirra sem greinast með sjúkdóminn þurfa mikinn og góðan stuðning í gegnum allt ferli sjúkdómsins. Mikilvægt er að þekkja einkenni heilabilunar en þau geta verið misjöfn eftir einstaklingum. Forvarnir gegn heilabilunarsjúkdómum er góð líkamleg og andleg heilsa auk félagslegrar virkni.

Alzheimer samtökin veita ýmiskonar fræðslu og ráðgjöf. Frekari upplýsingar má finna á heimasíðu Alzheimer samtakanna

Munum þá sem gleyma

Jóhanna Gilsdóttir atferlisfræðingur á Hrafnistu var með erindi á ráðstefnunni  EABA – The 11th Conference of European Association For Behaviour Analysis, sem haldin var í Prag á dögunum. Fjallað var um það hvernig nýta má atferlisgreiningu á mismunandi starfsvettvangi. Jóhanna fjallaði um starf klínísks atferlisfræðings á hjúkrunarheimili á Íslandi og kynnti fyrir ráðstefnugestum nokkur mál þar sem atferlis íhlutun átti sér stað.
Jóhanna starfar sem atferlisfræðingur á Hrafnistuheimilunum og vinnur m.a. með einstaklingsmiðaða nálgun við umönnun íbúa á Hrafnistu og færniþjálfun starfsmanna í samskiptum við íbúa.

Listahópurinn Afríka Lole heimsótti íbúa á Hrafnistu í Laugarási í gær og sýndu trumbuslátt og dans frá Guineu í vestur Afríku. Viðburðurinn var á vegum Far Fest Afríka sem haldinn var í Reykjavík í vikunni.