Fréttasafn

Árlegur haustfagnaður var haldinn á Hrafnistu Skógarbæ sl. miðvikudag. Húsið opnaði kl. 17:30 þar sem boðið var upp á fordrykk og síðan buðu matreiðslumenn Hrafnistu upp á kótilettur í raspi ásamt öllu tilheyrandi. Eftir borðhaldið sá Bjartmar Guðlaugsson um að halda uppi stuðinu og skemmta íbúum og aðstandendum.

Sjúkratryggingar Íslands hafa samþykkt að fjölga dagdvalarrýmum á Hrafnistu Ísafold í Garðabæ úr 20 rýmum í 30 rými.

Rýmum fjölgað í dagdvöl á Ísafold

Eftirfarandi grein birtist í Viljanum á dögunum þar sem vitnað er í Aríel Pétursson formann Sjómannadagsráðs. Þar vitnar Aríel í umræður á Alþingi í síðustu viku, þar sem fjármálaráðherra gagnrýndi háan byggingarkostnað nýja hjúkrunarheimilisins í Árborg í samanburði við framkvæmdir Sjómannadagráðs við uppbyggingu hjúkrunarheimilis Hrafnistu og þjónustumiðstöðvar við Sléttuveg. 

Greinina má lesa í heild sinni HÉR

Íbúar á Hrafnistu Skógarbæ voru í óða önn að taka upp kartöflur í góða veðrinu í gær. Mikil gleði ríkti með uppskeruna.

Það var í nógu að snúast hjá íbúum á Hrafnistu Sléttuvegi í vikunni þegar teknar voru upp kartöflur. Grösin höfðu fallið vegna næturfrosts nóttina á undan og því var drifið í að taka þær upp. Því fylgdi mikil gleði og fólk var ánægt með uppskeruna og afrakstur sumarsins.  

Í tilefni af Gulum september var starfsfólk Hrafnistuheimilanna hvatt til að klæðast gulu í gær, fimmtudaginn 7. september. Gulur september er samvinnuverkefni stofnana og félagasamtaka sem vinna saman að geðrækt og sjálfsvígsforvörnum með það að markmiði að auka meðvitund fólks.

Að sjálfsögðu tók starfsfólk þátt og lagði sitt af mörkum við að vekja athygli og sýna þessu mikilvæga verkefni stuðning.

Elínborg Íris Samúelsdóttir, hefur starfað á Hrafnistu Skógarbæ í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Sigríður Ösp Sumarliðadóttir aðstoðardeildarstjóri afhenti á dögunum Elínborgu starfsafmælisgjöf  frá Hrafnistu af þessu tilefni og var meðfylgjandi mynd tekin við það tækifæri.

Þær Rubenita Torre La-Um, Dominika Anna Fuks og Íris Hauksson starfsmenn á Hrafnistu Skógarbæ, fengu allar afhentar starfsafmælisgjafir frá Hrafnistu á dögunum. Rubenita hefur starfað í Skógarbæ í 20 ár, Dominika í 15 ára og Íris í 10 ár. Um leið og við óskum þeim til hamingju með áfangann er þeim þakkað fyrir gott starf og þá tryggð sem þær hafa sýnt heimilinu.

Sunnefa Lindudóttir Þórisdóttir hjúkrunardeildarstjóri á Hrafnistu Skógarbæ afhenti þeim starfsafmælisgjafir frá Hrafnistu og var meðfylgjandi mynd tekin við það tækifæri. Frá vinstri eru Íris, Dominika, Sunnefa og Rubentia.