Fréttasafn

Púttmót haldið á Hrafnistu í Hafnarfirði

Lesa meira...

Þriðjudaginn 6. september sl. var haldið bæjarstjórnarpúttmót á Hrafnistu í Hafnarfirði. En sú skemmtilega hefð hefur skapast á síðustu árum að haldið hefur verið púttmót á Hrafnistu í Hafnarfirði þar sem bæjarstjórn Hafnarfjarðar og bæjarstjóri, hafa att kappi við heimilisfólk um forláta farandbikar sem bæjarstjórn hefur reyndar aldrei unnið. Sú varð raunin líka í ár og bar Hrafnista sigur úr býtum með 69 höggum á móti 75 höggum bæjarstjórnar.

Undanfarin ár hefur bæjarstjórinn, Haraldur L. Haraldsson, hlotið hin svokölluðu skussaverðlaun en sá hlýtur þau verðlaun sem er með bestu nýtingu vallar. Að þessu sinni féllu þau hins vegar í hlut Árdísar Huldu Eiríksdóttur forstöðumanns og afhenti Haraldur þau áfram til Árdísar með bros á vör, þar sem hann ætlaði sér alls ekki að vinna þau í ár.

 

Úrslit voru þessi:

Konur

1.   sæti: Ingveldur Einarsdóttir 35 högg

2.   sæti: Hallbjörg Gunnarsdóttir 36 högg

3.   sæti: Rósa Guðbjartsdóttir 39 högg

 

Karlar

1.   sæti: Einar Sigurðsson 34 högg

2.   sæti: Friðrik Hermannsson 35 högg

3.   sæti: Ingi Tómasson 36 högg

 

Einar Sigurðsson var besti maður vallarins og hlaut því Bæjarstjórnarbikarinn.

Heimilisfólk á Hrafnistu þakkar bæjarfulltrúum og bæjarstjóra kærlega fyrir drengilega keppni og skemmtilega stund í blíðskaparveðri.

 

 

Lesa meira...

Nanna Guðný Sigurðardóttir, gæðastjóri Hrafnistu, ein af fimm í úrslitum í samkeppni á milli Háskóla í Evrópu.

Nanna Guðný Sigurðardóttir, gæðastjóri Hrafnistu.
Lesa meira...

 

Nanna Guðný, gæðastjóri Hrafnistuheimilanna, ein af fimm í úrslitum í samkeppni á milli Háskóla í Evrópu með meistaraverkefni sitt í sjúkraþjálfun sem ber heitið: „Árangur 4-8 vikna þverfræðilegrar endurhæfingarinnlagnar fyrir aldraða.“

Hrafnista kynnir með stolti þann árangur sem Nanna Guðný Sigurðardóttir, gæðastjóri Hrafnistuheimilanna, náði á dögunum í tengslum við meistaraverkefni sitt við Læknadeild Háskóla Íslands. Samkvæmt heimasíðu félags sjúkraþjálfara er námsbraut í sjúkraþjálfun við HÍ aðili að European Network of Physiotherapy in Higher Education (ENPHE) sem er samstarfsnet háskóla í Evrópu sem kenna sjúkraþjálfun. Tilgangur samtakanna er að auka samstarf milli háskóla í Evrópu til að stuðla að gæðum í námi í sjúkraþjálfun, þróa kennsluhætti, auka þekkingu í sjúkraþjálfun og hvetja til kennara- og stúdentaskipta. Meistaraverkefni Nönnu fjallaði um árangur 4-8 vikna þverfræðilegrar endurhæfingarinnlagnar fyrir aldraða og var unnið hér á Hrafnistu í Reykjavík. Það verkefni var valið sem framlag Háskóla Íslands í verðlaunasamkeppni ENPHE um meistaraverkefni.

Nanna er nú komin í úrslit fimm þeirra efstu meistaraverkefna sem tóku þátt í ENPHE. Það eitt er gífurlegur árangur og er tilefni til að fagna innan Hrafnistufjölskyldunnar.

Innilega til hamingju með árangurinn Nanna!

 

 

 

 

 

Lesa meira...

Hjördís Ósk Hjartardóttir nýr deildarstjóri á Sjávar- og Ægishrauni Hrafnistu Hafnarfirði

Hjördís Ósk Hjartardóttir, hjúkrunarfræðingur.
Lesa meira...

 

Hjördís Ósk Hjartardóttir hefur verið ráðin hjúkrunardeildarstjóri á  Sjávar- og Ægishrauni, Hrafnistu Hafnarfirði, frá og með 1. september n.k. en þá lætur Guðríður Sigurðardóttir af störfum  vegna aldurs. Hjördís Ósk hefur undanfarin ár gegnt stöðu aðstoðardeildarstjóra á sömu deild.

 

Um leið og við óskum Hjördísi til hamingju með nýja stöðu innan Hrafnistu þökkum við Guðríði fyrir vel unnin störf í þágu Hrafnistu og óskum henni velfarnaðar um ókomna tíð.

 

 

 

Lesa meira...

Grillveisla á Hrafnistu Hlévangi

Lesa meira...

 

Síðasta sumargrillveisla Hrafnistuheimilanna, þetta sumarið, fór fram í gær í mikilli sól og blíðu á Hrafnistu Hlévangi. Heimilisfólk og gestir nutu matarins úti undir berum himni en kokkar Hrafnistuheimilinna grilluðu ofan í mannskapinn.

Gaman er að segja frá því að í grillveislum Hrafnistuheimilanna í sumar hafa kokkarnir samanlagt grillað ofan í ca. 1200 manns.

 

 

 

Lesa meira...

Rodelio Servano Manalo 10 ára starfsafmæli á Hrafnistu í Reykjavík

F.v. Rodelio og Pétur Magnússon forstjóri Hrafnistu.
Lesa meira...

 

Rodelio Servano Manalo, félagsliði á Lækjartorgi/Viðey/Engey Hrafnistu í Reykjavík, hefur starfað á Hrafnistu í 10 ár. 

Um leið og við óskum honum til hamingju með áfangann er honum þakkað fyrir gott starf og þá tryggð sem hann hefur sýnt heimilinu.

 

 

 

 

Lesa meira...

Sumargrill á Hrafnistu í Kópavogi

Lesa meira...

 

Sumargrill Hrafnistu Kópavogi var haldið þriðjudaginn 9 ágúst sl.  Veðurspá var góð fyrir daginn en breyttist með stuttum fyrirvara. Íbúar hjúkrunarheimilis, gestir í dagdvöl og íbúar Boðaþingi 22-24 komu því kappklæddir í dúnúlpum og með húfur. Við létum veðrið ekki hafa áhrif á stemninguna og skemmtum okkur konunglega og nutum matarins sem kokkarnir á Hrafnistu buðu uppá. Svanur Bragason spilaði á harmonikku og stjórnaði fjöldasöng ásamt Bjarney forstöðumanni. 

 

Lesa meira...

Lena Sædís Kristinsdóttir 10 ára starfsafmæli á Hrafnistu í Hafnarfirði

F.v. Bryndís, Lena og Pétur.
Lesa meira...

 

Lena Sædís Kristinsdóttir, starfsmaður í sjúkraþjálfun Hrafnistu í Hafnarfirði, hefur starfað á Hrafnistu í 10 ár. 

Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

 

Á meðfylgjandi mynd eru frá vinstri: Bryndís F. Guðmundsdóttir deildarstjóri sjúkraþjálfunar, Lena og Pétur Magnússon forstjóri Hrafnistu.

 

 

 

 

 

Lesa meira...

Síða 111 af 139

Til baka takki