Fréttasafn

Málþing á vegum Samtaka fyrirtækja í velferðarþjónustu þriðjudaginn 18. október nk.

Lesa meira...

 

Þriðjudaginn 18. október nk. verður haldið málþing á vegum Samtaka fyrirtækja í velferðarþjónustu sem ber yfirskriftina „Er vilji til breytinga?“ þar sem þeirri spurningu verður varpað fram hvort að það sé raunverulegur vilji hjá stjórnmálaflokkum að bæta þjónustu við veika einstaklinga og aldraða. Fulltrúar frá öllum helstu stjórnmálaflokkum verða með stutt erindi.

Málþingið verður haldið á Hótel Natura kl. 13:30 - 15:30.

Aðgangur er ókeypis og allir eru velkomnir.

 

Sjá nánari auglýsingu með því að smella hér

 

 

 

 

 

Lesa meira...

Gjöf til Hrafnistu í Hafnarfirði

Lesa meira...

 

Hrafnistu í Hafnarfirði barst nýlega höfðingleg  gjöf. Um er að ræða 5 flutningshjólastóla sem gefnir eru af aðilum sem eiga aðstandendur á heimilinu. Stólarnir verða til taks á hverri hæð og verða meðal annars nýttir til að auðvelda íbúum að sækja sér þá þjónustu og  viðburði sem í boði eru á heimilinu.

Stólarnir eru XS Aluminium krossramma hjólastólar, bólstraðir með stillanlegum bakdúk, uppfellanlegum örmum sem hægt er að dýptarstilla, hraðlosun á hjólum, veltivörn, 5 cm sessu, mjaðmabelti og tvískiptum fótahvílum þar sem hægt er að stilla fótplötu og eins að taka hana af.

 

Hrafnista þakkar þessum aðilum fyrir hlýhug og frábæra gjöf sem á eftir að nýtast íbúum heimilisins vel.

 

 

 

Lesa meira...

Hrönn Öndundardóttir nýr deildarstjóri á Ölduhrauni Hrafnistu Hafnarfirði

Hrönn Önundardóttir
Lesa meira...

 

Hrönn Önundardóttir hefur verið ráðin hjúkrunardeildarstjóri á Ölduhrauni Hrafnistu Hafnarfirði.

Hrönn lauk B.Sc. prófi í hjúkrunarfræði frá Háskóla Íslands árið 1996 og diplómagráðu í starfstengdri siðfræði frá sama skóla árið 2006. Árið 2015-2016  stundaði hún nám í  verkefnastjórnun og leiðtogaþjálfun á vegum símenntunar Háskólans á Akureyri og VogL.

Hrönn gegndi stöðu hjúkrunarforstjóra á dvalar- og hjúkrunarheimilinu Uppsölum á Fáskrúðsfirði frá árinu 2011 til 2016, en tekur nú við stöðu hjúkrunardeildarstjóra Ölduhrauns þann 5. nóv. n.k.

Við bjóðum Hrönn hjartanlega velkomna til starfa á Hrafnistu.

 

 

 

 

Lesa meira...

Bleiki dagurinn á Hrafnistu - föstudaginn 14. október

Lesa meira...

 

Októbermánuður er tileinkaður Bleiku slaufunni, árveknis- og fjáröflunarátaki Krabbameinsfélags Íslands gegn krabbameinum hjá konum.

Undanfarin ár hefur Bleiki dagurinn notið sívaxandi vinsælda í hinum bleika októbermánuði. Í ár er hann haldinn föstudaginn 14. október nk. Þennan dag eru allir landsmenn hvattir til að sýna samstöðu, klæðast bleiku og hafa bleikt í fyrirrúmi.

Hrafnistuheimilin leggja svo sannarlega sitt af mörkum því þessa dagana er starfsfólk í óða önn að færa heimilin í bleikan búning og skreyta með ýmsu bleiku. Að sjálfsögðu höldum við svo upp á Bleika daginn með formlegum hætti með því að hvetja heimilisfólk og starfsfólk á Hrafnistu til að taka þátt og klæðast einhverju bleiku þennan dag.

 

 

 

 

Lesa meira...

Ólína Bjarnadóttir 10 ára starfsafmæli á Hrafnistu í Hafnarfirði

F.v. Þóra, Ólína og Pétur.
Lesa meira...

 

 

Ólína Bjarnadóttir, sjúkraliði á Ölduhrauni Hrafnistu Hafnarfirði, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

 

Á meðfylgjandi mynd eru frá vinstri: Þóra Gunnlaugsdóttir deildarstjóri á Ölduhrauni, Ólína og Pétur Magnússon forstjóri Hrafnistu.

 

 

 

 

Lesa meira...

Síða 109 af 141

Til baka takki