Hrafnista Sléttuvegi tók til starfa í febrúar árið 2020 og er heimilið rekið af Sjómannadagsráði 

Á heimilinu eru hjúkrunarrými fyrir 99 íbúa þar sem veitt er sólarhrings hjúkrunar- og læknisþjónusta

Inntaka íbúa á Hrafnistu Sléttuvegi fer fram í gegnum Færni- og heilsumatskerfi Landlæknisembættisins

Dagdvöl er starfrækt á Hrafnistu Sléttuvegi. Markmið dagdvalar er liður í að viðhalda lífsgæðum einstaklinga, rjúfa félagslega einangrun og sem stuðningur við aðstandendur aldraðra sem búa í heimahúsi. Hrafnista Sléttuvegi hefur leyfi fyrir 30 rýmum í dagdvöl. 

Allar nánari upplýsingar um Hrafnistu Sléttuveg má finna í Handbókin þín - íbúar og aðstandendur

Þeir sem óska eftir frekari upplýsingum um heimilið er bent á að hafa samband við Kristínu Ingu Hrafnsdóttur í netfangið kristin.hrafnsdottir[hja]hrafnista.is   

Lífsgæðakjarni
Lífsgæðakjarni er hugtak sem nær yfir húsnæði, aðbúnað og þjónustu þar sem eldra fólk hefur aðgang að starfsemi sem bætir lífsgæði.
Lífsgæðakjarni samanstendur af hjúkrunarheimili, leiguíbúðum og þjónustumiðstöð. Með virku samstarfi þeirra sem þar búa, starfa og þangað sækja verður til kjarni með fjölbreyttri þjónustu, sem stuðlar að auknu öryggi, meiri vellíðan og bættum lífsgæðum eldra fólks.
Hrafnista Sléttuvegi er sambyggt við þjónustu- og lífsgæðakjarnann Sléttuna en þar er að finna litla verslun, hárgreiðslustofu, fótaðgerðarstofu, kaffihús, matsölu ofl. Við Sléttuveg 27 eru 60 leiguíbúðir í eigu Naustavarar, dótturfélags Sjómannadagsráðs.  Innangengt er úr leiguíbúðum í þjónustumiðstöðina Sléttuna. Á Sléttunni fer fram félagsstarf sem íbúar hjúkrunarheimilisins sem og aðrir íbúar í nágrenninu geta nýtt sér. Upplýsingar um starfsemi og dagskrá í þjónustumiðstöðinni má finna HÉR 

Aðstaða

Við hönnun og uppbyggingu á Sléttuvegi var horft til þess nýjasta í hönnun hjúkrunarheimila. Öll herbergin eru einbýli og er hvert herbergi um 28 fermetrar, sameiginlegt svefnherbergi og stofa auk baðherbergis og eldhúskróks.

Herbergin eru búin: 
- Rúmi, náttborði, litlum innbyggðum fataskáp auk stærri færanlegs fataskáps.  Myrkvunargardínum og kappa fyrir gluggatjöld, velkomið er að koma með sín eigin gluggatjöld.
- Tengiboxi sem hægt er að tengja við sjónvarp, myndlykil og tölvu. Íbúar hafa aðgang að þráðlausu neti Hrafnistu til að fara á fréttasíður o.þ.h. en ekki verður hægt að streyma sjónvarpsefni eða öðru efni í gegnum þráðlausa netið. Íbúar sjá sjálfir um að útvega sér myndlykil og þá áskriftarleið sem þeir kjósa. Vodafone er það fyrirtæki sem hægt er að versla við og erum við með sérverð fyrir okkar íbúa. Þetta getur tekið 2-3 daga. Ekki er heimilt að koma með router þar sem allar tengingar eru nú þegar til staðar.
- Ljósum (ath. ekki má skipta um ljósakrónur í herbergi).

Skoðaðu þrívíddarmynd af herbergi á Hrafnistu Sléttuvegi með því að smella HÉR