Guðfinna Eðvardsdóttir hefur verið ráðin hjúkrunardeildarstjóri Hrafnistu Hlévangi frá 1. janúar næstkomandi. Guðfinna starfaði sem læknaritari við Heilbrigðisstofnun Suðurnesja frá 1995 til 2005. Útskrifaðist sem hjúkrunarfræðingur B.Sc. frá Háskólanum á Akureyri árið 2009. Starfaði sem hjúkrunarfræðingur á Heilbrigðisstofnun Suðurnesja við heimahjúkrun og á lyf- og handlækningadeild 2009-2010. Kom til starfa á Hlévangi 2010 sem þá var rekið af Dvalarheimili aldraðra á suðurnesjum, Guðfinna hefur starfað hjá Hrafnistu frá því að Hrafnista tók við rekstrinum árið 2014. Frá hausti 2016 hefur Guðfinna starfað sem aðstoðardeildarstjóri á Hlévangi. Jafnframt starfaði Guðfinna á Lærdal alders og sjukeheim í Noregi árið 2014. Samhliða hjúkrun hef hún starfað sem flugfreyja undanfarin ár.

Síðastliðið haust hefur Guðfinna stundað diplomanám í stjórnun í heilbrigðisþjónustu við Háskólann á Akureyri.

Guðlaug Gunnarsdóttir sem hefur gengt stöðu hjúkrunardeildarstjóra frá því í haust snýr aftur í sína stöðu sem aðstoðardeildarstjóri.

Við bjóðum Guðfinnu velkomna í stjórnendahóp Hrafnistu.