Það hefur heldur betur viðrað vel síðustu daga og hefur þessi sumarauki í september verið vel nýttur hér utandyra hjá okkur á Hrafnistuheimilunum og starfið verið meira og minna flutt út undir beran himinn. Íbúar á Hrafnistu í Skógarbæ huguðu að kartöfluuppskeru á meðan aðrir stunduðu stólaleikfimi, fóru í göngutúra, skelltu sér í dansleikfimi, spiluðu Kubb eða bara nutu þess að vera úti í góða veðrinu.
Meðfylgjandi myndir voru teknar á Hrafnistuheimilunum þessa síðsumars blíðviðrisdaga.