Fréttasafn

Það var mikil stemning í morgun á Hrafnistu í Hafnarfirði þar sem upphitun fór fram fyrir leik Íslands og Nígeríu. 

https://www.facebook.com/handverksheimili/videos/2037581233172419/

https://www.facebook.com/handverksheimili/videos/2037583939838815/

Hrafnistuheimilin í Reykjavík, Hafnarfirði, Kópavogi, Reykjanesbæ og Garðabæ eru öll skreytt á ýmsan hátt með íslensku fánalitunum og fólk fylgist með HM af miklum áhuga. Í dag klæðast margir af  heimilis- og starfsfólki Hrafnistu íslensku landsliðsteyjunni eða einhverju bláu. ?

Heimilsfólk á Hrafnistu Nesvöllum Reykjanesbæ fengu skemmtilega heimsókn á dögunum sem lífgaði upp á lífið og tilveruna.

Starf Golfklúbbs Hrafnistu árið 2018

Á Hrafnistu hefur undanfarin 13 ár verið starfræktur golfklúbbur meðal starfsmanna.

Haldinn hefur verið einn stjórnarfundur frá síðasta aðalfundi, 4. apríl  2018.

Stórn golfklúbbsins skipa:

Formaður:  Þórdís Sigurðardóttir

Gjaldkeri: Ásgeir Ingvason

Ritari: Kristján Sveinsson

Meðstjórnandi: Unnur Óladóttir

Fyrsta púttmót ársins var haldið miðvikudaginn 13. júní 2018 á púttvellinum við Hrafnistu í Reykjavík með 13 þátttakendum.

1. verðlaun hlaut Steingrímur V. Haraldsson á 60 höggum.
2. verðlaun hlaut Hanna Björg Kjartansdóttir á 64 höggum.
3. verðlaun hlaut Gunnar Valbjörn Jónsson á 66 höggum.

1. verðlaun voru 8.000 kr. gjafabréf, 2. verðlaun voru 6.000 kr. gjafabréf og 3. verðlaun voru 4.000 kr. gjafbréf. Gafabréfin eru öll í Golfbúðinni.

Dregið var úr öllum skorkortum og fengu því allir eitthvað í sinn hlut.
Verðlaunin voru af ýmsum toga s.s. mynddiskar frá Myndform,  hvítvíns- og rauðvínsflöskur og gjafabréf frá Pennanum. 

 Um klukkan 18.50 var öllu lokið og allir fóru heim glaðir í bragði eftir skemmtilegt púttmót.

Golfmót verður haldið 27. júní 2018 kl.17:00 í Oddi.  

Hið árlega Kvennahlaup var haldið á Hrafnistu Reykjavík í blíðskaparveðri miðvikudaginn 20. júní. Mætingin var með besta móti, enda sólin hátt á lofti og ekki ský á himni. Að venju var byrjað á léttri upphitun og þátttakendur gátu svo valið á milli tveggja vegalengda til að fara. Þegar komið var í mark var tekið á móti þátttakendum með verðlaunapeningum og svo var boðið upp á létta hressingu, íspinna, ávaxtasafa og súkkulaði. Kvennahlaupið er alltaf vinsæll viðburður á Hrafnistu og gaman að sjá svona marga taka þátt.

Loksins lét sólin sjá sig. Íbúar og starfsfólk á Hrafnistu Hlévangi, Reykjanesbæ, fóru út í sólbað i dag og gæddu sér á ís í tilefni dagsins.

Konur sem starfa fyrir Ytri-Njarðvíkurkirkju í félagsskap sem kallast Vinavoð hafa komið reglulega og fært íbúum Hlévangs falleg sjöl/trefla. Í dag komu þær færandi hendi til okkar. Gjafirnar eru gefnar af miklum kærleik og fylgja þeim mjög falleg skilaboð til íbúanna.

Íbúar á Hrafnistu Garðabæ-Ísafold buðu íbúum og gestum í dagdvöl Hrafnistu Kópavogi í Boccia keppni þann 18. júní sl. 

Hart var barist en í þetta sinn hafði Kópavogurinn betur og tók farandsbikarinn með sér heim, en Ísafoldar-fólkið stefnir á að sækja hann heim næsta haust.

Eftir keppnina var keppendum boðið upp á kaffi og bakkelsi þar sem tækifæri gafst til að fara yfir leikinn og skipuleggja þann næsta.

Við á Hrafnistu í Garðabæ þökkum þeim í Kópavoginum fyrir drengilega keppni og hlökkum til að mæta þeim aftur síðar.

Hrafnista á Nesvöllum og Hlévangi var með kráarkvöld fimmtudagskvöldið 14. júní sl. þar sem milli 70-80 manns áttu skemmtilega kvöldstund saman. Bandið Heiður spilaði fyrir gesti og hélt uppi miklu fjöri.