Guðrún Bjarkadóttir hefur verið ráðin aðstoðardeildarstjóri á Sólteig og Mánateig á Hrafnistu Laugarási.
Guðrún útskrifaðist sem hjúkrunarfræðingur B.Sc. frá Háskóla Íslands árið 1999. Hún hefur einnig lokið B.A. í íslensku og M.A. í íslenskum fræðum. Guðrún hefur víðtæka reynslu sem hjúkrunarfræðingur en hún hefur m.a. starfað á heilsugæslunni hér á Íslandi og í Svíþjóð. Einnig starfaði hún sem aðstoðardeildarstjóri hér á Hrafnistu í Laugarási frá 1999-2004.
Við bjóðum Guðrúnu hjartanlega velkomna í Hrafnistuhópinn.