Helga Hjálmarsdóttir mun taka við stöðu deildarstjóra hjúkrunar á Hlévangi frá 1. september 2019.
Helga útskrifaðist sem hjúkrunarfræðingur árið 1996 frá Die Schule für Pflegeberufe St. Vinzenz-Krankenhaus Hanau gGmbH í Þýskalandi. Hún vann frá útskrift á almennri skurðdeild við sama sjúkrahús til ársins 2003. Árið 2003 hóf hún störf á hjúkrunarheimilinu Garðvangi, fyrst sem almennur hjúkrunarfræðingur og síðan sem aðstoðardeildarstjóri hjúkrunar. Hún hefur starfað sem aðstoðardeildarstjóri hjúkrunar á Nesvöllum síðan í mars 2014.
Helga er rúmlega fertugur Garðbúi gift Oliver Keller og saman eiga þau tvo syni, þá Erik og Eyvind.