Grísaveisla, sangría og sjór.
Ég sit hér á pallinum mínum í sumarfríi og í sól og blíðu, hverjar eru líkurnar á því á Íslandi í dag? Jú sem betur fer kemur einn og einn sólardagur og allir fyllast bjartsýni. Þegar ég fór í fríið um síðustu helgi, voru sumarstarfsmenn óðum að koma inn, sumardagskrá heimilana að vera tilbúin, undirbúningur fyrir sumargróðursetningu komin á fullt skrið og sumarvinnu skýrslur tilbúnar. Og ekki má gleyma undirbúningi sjómannadagsins, en eins og venja er til á Hrafnistu er sá dagur haldin hátíðlegur ár hvert og eru þar heimilin í Reykjanesbæ engin undantekning. Það skal blása til kaffiboðs og tónleikahalds og eru íbúar og ættingjar boðnir velkomnir bæði á Nesvelli og á Hlévang.
Ég ætla samt ekki að taka neina áhættu með sólina og skella mér til Spánar í fríinu, eða eins og Laddi orti svo vel:
Það jafnast ekkert á við það
að þruma sér í gott sólbað
og liggja á bekk með bland og bús
og bjórinn teyga úr líterskrús.
Á Spáni er gott að djamma og djúsa
diskótekunum á. Hei!
Sólbrenndur með ,,Quick Tan" brúsa.
Í sandölum og ermalausum bol.
Grísaveisla, sangría og sjór,
senjórítur, sjóskíði og bjór.
Nautaat og næturklúbbaferð,
nektarsýningar af bestu gerð.
Á Spáni er gott að djamma og djúsa
diskótekunum á. Hei!
Sólbrenndur með ,,Quick Tan" brúsa.
Í sandölum og ermalausum bol.
Hrönn Ljótsdóttir forstöðumaður Hrafnistu Reykjanesbæ.