Dagdvöl Hraunvangur

Á Hrafnistu Hlévangi í Reykjanesbæ eru 30 íbúar. Öll herbergin eru einbýli en sum þeirra eru ekki með sér salerni eða sturtu. Þar starfa hjúkrunarfærðingar, læknar, sjúkraliðar, félagsliðar og starfsfólk við umönnun allan sólarhringinn. Starfsfólk og íbúar vinna í sameiningu að því að skapa heimilislegt, hlýlegt og virkt samfélag. Hjúkrun og umönnun er veitt allan sólarhringinn og er læknir á vakt frá kl. 08:00 – 19:00, eftir það sinnir 112 og vakthafandi læknir á Heilbrigðisstofnun Suðurnesja læknisþjónustu. Hjúkrunarfræðingar, sjúkraliðar og starfsfólk í aðhlynningu starfar á deildinni auk starfsfólks í ræstingu.

Forstöðumaður

Þuríður I. Elísdóttir er  forstöðumaður Hrafnistu Hlévangi í Reykjanesbæ, thuridur.elisdottir[hja]hrafnista.is

Læknaþjónusta

Læknar eru á vakt á Hrafnistuheimilunum allan sólarhringinn. Almenn læknisþjónusta felur í sér eftirlit og móttöku á deildum ásamt því að sinna bakvakt allan sólarhringinn. Aðgengi að sérhæfðari læknisþjónustu er veitt innan eða utan heimilanna með tilvísun lækna. Hjúkrunarfræðingur á viðkomandi deild Hrafnistu annast milligöngu ef óskað er eftir að ná samband við lækni. Læknar Hrafnistu sinna öllum átta Hrafnistuheimilunum:

  Hrafnistu Laugarási, Reykjavík

 Hrafnistu Hraunvangi, Hafnarfirði

 Hrafnistu Boðaþingi, Kópavogi

 Hrafnistu Ísafold, Garðabæ

 Hrafnistu Skógarbæ, Reykjavík

 Hrafnistu Hlévangi, Reykjanesbæ

 Hrafnistu Nesvöllum, Reykjanesbæ

Hrafnistu Sléttuvegi, Reykjavík

Veitt er fagleg þjónusta sem tekur mið að þörfum íbúanna og hefur jákvæð áhrif á lífsgæði fólks. Markmið læknisþjónustunnar er að stuðla að sem bestri  líkamlegri og andlegri heilsu íbúa. Megin áhersla er lögð á að auka færni, sjálfstæði og lífsgæði einstaklingsins eftir leiðum læknisfræðinnar. Sú stefna og þau markmið eru í samræmi við markmið Hrafnistu um að vera leiðandi aðili í þjónustu og umönnun aldraðra.

Læknisþjónusta Hrafnistuheimilanna á höfuðborgarsvæðinu er framkvæmd í samvinnu við Heilsuvernd.

Læknisþjónusta Hrafnistuheimilanna í Reykjanesbæ er framkvæmd í samvinnu við Heilbrigðisstofnun Suðurnesja.

Hjúkrun

Hársnyrting

Hárgreiðslustofa er staðsett í kjallara Hlévangs. Harpa Hansen hárgreiðslumeistari kemur eftir samkomulagi. Nánari upplýsingar og tímapantanir eru hjá starfsmönnum. 

Fótaaðgerðastofa

Fótaðagerðastofa er staðsett í kjallara Hlévangs. Fótaaðgerðafræðingur kemur eftir þörfum, Nánari upplýsingar og tímapantanir eru hjá starfsamönnum.

Á Nesvöllum deilir Hrafnista aðstöðu til sjúkraþjálfunar með sjúkraþjálfunarstöðinni Ásjá sem starfrækt er á Nesvöllum en sú stöð er vel búin nauðsynlegum tækjum og búnaði til sjúkraþjálfunar. Aðstaðan á Hlévangi hefur heimilislegt yfirbragð, er lítil og útbúin öllu því nauðsynlegasta sem viðkemur sjúkraþjálfun.

Öllum heimilismönnum býðst einstaklingsmeðferð í sjúkraþjálfun að undangenginni skoðun og mati læknis. Heimilismönnum stendur til boða æfingameðferð eða önnur sérhæfðari meðferð, allt eftir þörfum hvers og eins. Um er að ræða almenna æfingaþjálfun, gönguferðir og einu sinni í viku er boðið upp á stólaleikfimi.

Markmið sjúkraþjálfunar er að auka lífsgæði heimilismanna með aðferðum sjúkraþjálfunar, til dæmis að minnka verki, auka hreyfanleika og viðhalda færni. Sjúkraþjálfarar vinna að þessu markmiði í samvinnu við annað starfsfólk hjúkrunarheimilisins. Hlutverk sjúkraþjálfara en einnig að annast hluta af RAI-hjúkrunar þyngdarmati heimilismanna og taka þátt í fræðslu fyrir starfsfólk heimilanna. 

Deildarstjóri  sjúkraþjálfunar er Sigurdís Reynisdóttir, sigurdis.reynisdottir[hja]hrafnista.is. Sími 664 9561.

Forstöðumaður

Hrönn Ljótsdóttir er  forstöðumaður heimilisins í Reykjanesbæ.  Þú getur haft samband við Hrönn netfanginu This email address is being protected from spambots. You need JavaScript enabled to view it.

Læknar

Læknar frá Heilbrigðisstofnun Suðurnesja veita heimilismönnum læknisþjónustu og koma á heimilið þrisvar sinnum í viku. Markmið læknisþjónustunnar er að stuðla að sem bestri  líkamlegri og andlegri heilsu heimilismanna. Megin áhersla er lögð á að auka færni, sjálfstæði og lífsgæði einstaklingsins eftir leiðum læknisfræðinnar.

Skoðaðu þrívíddarmynd af herbergi á Hrafnistu Hlévangi með því að smella HÉR

Á Hrafnistuheimilunum leitast iðjuþjálfar og starfsmenn iðjuþjálfunar eftir því að starfa einstaklingsmiðað og hafa þarfir hvers og eins að leiðarljósi. Heimilismenn þurfa að fá tækifæri til að njóta iðju sem þeir hafa áhuga á. Þátttaka í starfi hefur jákvæð áhrif á heilsu og vellíðan allra. Starfsmenn iðjuþjálfunar sinna bæði einstaklingum og hópum með það að leiðarljósi að bæta andlega líðan, félagslega og líkamlega hæfni einstaklingsins.

Boðið er upp á þjálfun á færni til iðju á einstaklingsbundinn hátt, þannig að samspil sé á milli heimilismanns, iðjunnar og umhverfisins. Einstaklingsmeðferð sem og hópþjálfun er í boði á heimilinu á vegum iðjuþjálfunar. Þar gefst heimilismönnum tækifæri á að fást við ýmsa tómstundaiðju s.s.tálgun, þátttaka í endurminningarhópum, upplestri úr bókum og blöðum eða einfaldlega að fá sér kaffibolla og ræða málin.

Deildarstjóri iðjuþjálfunar er Kristín Thomsen, kristin.thomsen[hja]hrafnista.is