Fræðsla vegna notkunar öryggismyndavéla á Hrafnistuheimilunum
Ábyrgðaraðili vöktunarinnar er: Hrafnista, Brúnavegur 13, 104 Reykjavík. Sími 585 9500 og netfang: hrafnista(hja)hrafnista.is
Persónuverndarfulltrúi: personuvernd(hja)samtok.is
Tilgangur vöktunarinnar: Í öryggis- og eignavörsluskyni.
Heimild til vinnslu: Vöktun fer fram skv. 9.gr. laga 90/2018 um persónuvernd og vinnslu persónuupplýsinga til að gæta lögmætra hagsmuna Hrafnistu af öryggis- og eignavörslu og skv. 11.gr. sömu laga til að tryggja gæði og öryggi heilbrigðisþjónustu og svo hægt unnt sé að stofna, hafa uppi eða verja réttarkröfur.
Tegundir persónuupplýsinga: Unnið er með myndefni sem verður til við vöktunina þar sem sjá má einstaklinga sem farið hafa um hið vaktaða svæði og athafnir þeirra.
Viðtakendur: Allt myndefni er aðgengilegt staðarstjóra og forstöðumanni á viðkomandi Hrafnistuheimili sem hafa umsjón með framkvæmd vöktunarinnar. Efni með upplýsingum um slys eða refsiverðan verknað getur jafnframt verið afhent lögreglu. Einnig getur efni verið afhent tryggingafélagi sé það nauðsynlegt vegna tryggingamáls. Sjá að öðru leyti 5. og 10. gr. reglna nr. 50/2023 um rafræna vöktun.
Varðveislutími myndefnis: Myndefni er varðveitt í 30 daga og er síðan eytt. Þó geta upptökur verið varðveittar lengur sé það nauðsynlegt til að krafa verði afmörkuð, sett fram eða varin vegna dómsmáls eða annarra slíkra laganauðsynja. Ef myndefni er afhent lögreglu er öðrum eintökum af efninu eytt. Sjá að öðru leyti 2. tölul. 2. mgr. 5. gr. og 11. gr. reglna nr. 50/2023 um rafræna vöktun.
Réttindi einstaklinga: Þú átt rétt á að skoða myndefni þar sem þú sést. Einnig áttu rétt á að fá afrit af slíku myndefni að því gefnu að það skerði ekki réttindi og frelsi annarra. Að öðru leyti fer um réttindi þín samkvæmt III. kafla laga nr. 90/2018 um persónuvernd og vinnslu persónuupplýsinga, sbr. nánar ákvæði í III. kafla reglugerðar (ESB) 2016/679.
Réttur til að leggja fram kvörtun hjá Persónuvernd: Þeir sem sæta rafrænni vöktun eiga rétt á að leggja fram kvörtun hjá Persónuvernd ef þeir telja að vinnsla persónuupplýsinga þeirra gangi gegn persónuverndarlögum.