Öskudagur á Hrafnistu
Það er ávallt mikið um dýrðir á Hrafnistuheimilunum á öskudaginn.
Meðfylgjandi myndir tala sínu máli.
Það er ávallt mikið um dýrðir á Hrafnistuheimilunum á öskudaginn.
Meðfylgjandi myndir tala sínu máli.
Birna Jónasdóttir, starfsmaður í sjúkraþjálfun Hrafnistu Laugarási Reykjavík, hefur starfað á Hrafnistu í 35 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Pétur Magnússon forstjóri Hrafnistu, Birna, Ragnheiður Kristjánsdóttir deildarstjóri sjúkraþjálfunar og Sigrún Stefánsdóttir forstöðumaður Hrafnistu Laugarási.
Þann 1.mars síðastliðinn voru 5 ár liðin frá því að Hrafnista tók við rekstri Hlévangs í Reykjanesbæ. Af því tilefni var efnt til veislu þar sem boðið var upp á eðal lambahrygg í hádeginu með öllu tilheyrandi. Í kaffitímanum var íbúum og starfsfólki boðið að hlusta á fagra harmonikkutóna frá hinum unga og efnilega Braga Fannari.
Líney Grétarsdóttir, starfsmaður í aðhlynningu á Bylgjuhrauni Hrafnistu Hraunvangi Hafnarfirði, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Pétur Magnússon forstjóri Hrafnistu, Líney, Eyrún Pétursdóttir deildarstjóri á Bylgjuhrauni og Árdís Hulda Eiríksdóttir forstöðumaður Hrafnistu Hraunvangi.
Eyrún Pétursdóttir, deildarstjóri á Bylgjuhrauni Hrafnistu Hraunvangi Hafnarfirði, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Pétur Magnússon forstjóri Hrafnistu, Eyrún og Árdís Hulda Eiríksdóttir forstöðumaður Hrafnistu Hraunvangi.
Alzheimer samtökin verða með alzheimer kaffi fimmtudaginn 7. mars nk. kl. 17:00 að Hæðargarði 31 í Reykjavík.
Bergþór Pálsson, söngvari flytur erindi og leikur með fjöldasöng.
Alzheimerkaffi er fyrir fólk með alzheimer eða aðra minnissjúkdóma og aðstandendur þeirra. Markmiðið er að gefa fólki tækifæri til að koma saman, opna umræðuna um erfiðleika fólks með alzheimersjúkdóminn og gefa þeim og aðstandendum kost á að hitta aðra sem glíma við svipaðan vanda. Einnig að veita ráðgjöf, fræðslu, spjalla, syngja, gleðjast og eiga gæðastundir.
Kaffigjald er kr. 500.-
Allir velkomnir!
Framkvæmdir verktaka á vegum Sjómannadagsráð við byggingu nýs Hrafnistuheimilis og þjónustumiðstöðvar ganga sinn gang eins og sjá má á meðfylgjandi myndbandi þar sem byggingarnar rísa óðum í átt til himins. Gert er ráð fyrir að hjúkrunarheimilið verði tekið í notkun fljótlega á nýju ári og þjónustumiðstöðin fljótlega í kjölfarið. Einnig munu fjölbýli með öryggis- og þjónustuíbúðum Naustavarar rísa í næsta nágrenni.
Sjómannadagsráð mun byggja, eiga og reka fyrirhugaða þjónustumiðstöð sem samtengd verður Hrafnistuheimilinu og þremur nýjum fjölbýlishúsum með 140 íbúðum Naustavarar sem leigðar verða á almennum markaði fyrir eldra fólk. Áhersla verður lögð á að skapa nokkurskonar miðstöð heilbrigðs lífs, þar sem boðið verður upp á aðgang að fjölbreyttri dagskrá og þjónustu bæði fyrir þá sem vilja auka eigin færni og þá sem vilja bregðast við minnkandi færi eða heilsu.
Reykjavíkurborg mun leigja hluta þjónustumiðstöðvarinnar auk þess sem aðrir sem veita þar sérhæfða þjónustu, svo sem á sviði veitinga, fræðslu, sjúkraþjálfunar, heilsueflingar, afþreyingar og menningar, verða þar einnig með aðstöðu.
Í fjölbýlishúsum Naustavarar verða leigðar íbúðir í nokkrum stærðarflokkum. Algengustu stærðir verða 50 til 70 fm2 íbúðir en einnig 70-85 fm2 hjónaíbúðir auk nokkurra enn stærri íbúða. Leiguíbúðirnar verða sérhannaðar fyrir eldra fólki sem vill búa sjálfstætt en njóta nálægðar og aðgangs að þeirri þjónustu sem veitt verður á svæðinu.
Framkvæmdir við Sléttuveg: https://www.facebook.com/Sjomannadagsrad/videos/591086611364647/
Hrafnista í Boðaþingi Kópavogi bauð íbúum sínum á nýjárstónleika í lok janúar. Katrín Halldóra Sigurðardóttir söngkona ásamt undirleikara flutti helstu lög okkar ástsælu söngkonu Ellý Vilhjálms. Katrín Halldóra hefur verið áberandi í listalífi landsins undanfarið en þó algerlega slegið í gegn í sýningunni Ellý í Borgarleikhúsinu sem sýnd hefur verið hátt í 200 sinnum. Mikil ánægja var með frammistöðu Katrínar Halldóru og hefur mikið Ellý æði gripið um sig. Lögin sungin í söngstundum og morgunfjöri á deildum og umræður um lífsferil Ellý verið víða í húsinu. Sérstaklega ánægjulegt var hversu vel mætt var af íbúum og má segja að þar hafi nýtt met verið slegið þar sem meginþorri þeirra kom að hlýða á sönginn. Hrafnista Boðaþingi þakkar öllum fyrir komuna. Meðfylgjandi eru nokkrar myndir sem voru teknar á viðburðinum.
Guðrún Zoéga, hjúkrunarfræðingur og aðstoðardeildarstjóri á Bylgjuhrauni Hrafnistu Hraunvangi Hafnarfirði, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Pétur Magnússon forstjóri Hrafnistu, Guðrún, Eyrún Pétursdóttir deildarstjóri og Árdís Hulda Eiríksdóttir forstöðumaður Hrafnistu Hraunvangi.
Síða 75 af 175