Fréttasafn

Stjórn Sjómannadagsráðs og stjórnendur Hrafnistuheimilanna senda heimilisfólki, aðstandendum og starfsfólki Hrafnistuheimilanna sínar bestu óskir um gleðileg jól og farsæld á nýju ári. Með þakklæti fyrir ánægjulega samveru og góða samvinnu og samstarf á árinu sem er að líða.

Ágæta samstarfsfólk á Hrafnistuheimilunum,

Á þessum stysta degi ársins vil ég óska ykkur og fjölskyldum ykkar gleðilegra jóla og farsældar á komandi ári. Ég vona að þið eigið öll ánægjulegar stundir um hátíðarnar í faðmi fjölskyldu og vina.

Jafnframt þakka ég ykkur kærlega fyrir ánægjulegt og árangursríkt samstarf á árinu sem er að líða sem var mikið merkisár í 61 árs sögu Hrafnistu.

Ég hlakka mikið til að takast á við árið 2019 með ykkur – þar sem verkefnið verður, rétt eins og áður, að gera mjög góða Hrafnistu ennþá betri!

Það eru forréttindi að fá að vinna með öllu því góða fólki sem starfar á Hrafnistu og gerir starfsemina okkar jafn glæsilega og raun ber vitni. Án góðs fólks væri Hrafnista ansi fátækleg og ekki þessi frábæri vinnustaður.

Á sama tíma getum við líka verið stolt af því leiðandi afli sem Hranfista er orðin í öldrunarmálum hér á landi.

Af mörgu skemmtilegu sem ég geri í vinnunni er vikan fyrir jól, jafnan ein sú allra skemmtilegasta. Þá fer ég í árlega jólaheimsókn um öll Hrafnistuheimilin sex en þetta er siður sem ég tók upp árið 2009. Þá set ég hefðbundna vinnu til hliðar í rúma 3 daga og reyni að heimsækja allar deildir, skrifstofur, ganga, kaffistofur, setustofur og aðrar einingar á öllum Hrafnistuheimilunum með „jólaálfa“ mér við hlið sem syngja og spila jólalög fyrir starfsfólk, íbúa og aðra gesti - og smá jólanammi fylgir með. Þau flytja 2-5 lög í hverju stoppi og hlustendur eru á bilinu 2-70 í hvert skipti. Í þessum heimsóknum flytja „jólaálfarnir“, örugglega samtals vel á annað hundrað lög (sömu 10-12 lögin sem rúlla) og þau standa sig hreint ótrúlega vel við að koma mér og öðrum í jólaskap.

Nú er ég að klára að komast „hringinn“ á öllum heimilum og var þetta að vanda mjög ánægjulegt verkefni.

Á morgun hækkar sól á lofti og daginn fer að lengja aftur.

Gleðilega hátíð!

Bestu kveðjur,

Pétur

Guðbjörg Magnúsdóttir, sjúkraliði á Sjávar-/Ægishrauni Hrafnistu Hafnarfirði, hefur starfað á Hrafnistu í 35 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Hjördís Ósk Hjartardóttir deildarstjóri, Guðbjörg, Sveindís Skúladóttir aðstoðardeildarstjóri og Árdís Hulda Eiríksdóttir forstöðumaður Hrafnistu í Hafnarfirði. 

Helga Halldórsdóttir, starfsmaður í aðhlynningu á Sjávar-/Ægishrauni Hrafnistu Hafnarfirði, hefur starfað á Hrafnistu í 25 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Helga, Hjördís Ósk Hjartardóttir deildarstjóri og Sveindís Skúladóttir aðstoðardeildarstjóri. 

Halldóra Hinriksdóttir, deildarstjóri dagdvalar Hrafnistu Hafnarfirði, hefur starfað á Hrafnistu í 25 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Árdís Hulda Eiríksdóttir forstöðumaður Hrafnistu í Hafnarfirði, Halldóra og Pétur Magnússon forstjóri Hrafnistu.

Bergþóra Vigdís Ingimarsdóttir, félagsliði á Bylgjuhrauni Hrafnistu Hafnarfirði, hefur starfað á Hrafnistu í 25 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Bergþóra, Árdís Hulda Eiríksdóttir forstöðumaður Hrafnistu í Hafnarfirði, Eyrún Pétursdóttir deildarstjóri.

Siriluk Gunnarsson, starfsmaður í aðhlynningu og býtibúri á Bylgjuhrauni Hrafnistu Hafnarfirði, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Árdís Hulda Eiríksdóttir forstöðumaður Hrafnistu í Hafnarfirði, Eyrún Pétursdóttir deildarstjóri, Siriluk og Pétur Magnússon forstjóri Hrafnistu.

Íbúum Hrafnistu á Nesvöllum hefur borist höfðingleg gjöf, nýtt rafmagnspíanó sem nýtast mun vel við athafnir á heimilinu. Að gjöfinni standa Lionsklúbburinn Garður, Lionsklúbbur Keflavíkur, Lionessuklúbbur Keflavíkur, Lionsklúbbur Njarðvíkur, Lionsklúbbur Sandgerðis og Lionsklúbburinn Æsa. Píanóið er komið í notkun öllum til mikillar ánægju. Við þökkum Lionsklúbbunum innilega fyrir þann hlýhug sem þeir sýna íbúum hjúkrunarheimilisins.