Top header icons

Hrafnista á Workplace FacebookHrafnista á Facebook
Hrafnista í Skógarbæ tók til starfa í maí árið 1997. Þar búa 81 heimilismenn á 6 einingum. Þar starfa hjúkrunarfræðingar, læknar, sjúkraliðar, félagsliðar og starfsfólk við umönnun allan sólarhringinn. Einnig er á staðnum bókhald, launadeild og þvottahús. Í Skógarbæ er starfrækt eldhús sem þjónustar hjúkrunardeildar og þjónustumiðstöð Árskóga sem er áföst við hjúkrunarheimilið en starfsemi þar er á vegum Reykjavíkurborgar. Þessi samrekstur gerir það að verkum að heimilismenn geta notið alls hins besta sem í boði er í þjónustu við aldraða.  
 
Þeir sem óska eftir því að fá að skoða heimilið er bent á að hafa  samband við Rebekku Ingadóttur í síma 510-2100 eða í netfangið This email address is being protected from spambots. You need JavaScript enabled to view it.
Vinsamlegast athugið að þar sem Hrafnista er heimili þeirra sem þar dvelja er ekki hægt að skoða nema bóka tíma. 
 
Inntaka íbúa á Hrafnistu Skógarbæ fer fram í gegnum færni-  og heilsumatskerfi Landlæknisembættisins.
 
Umsókn um færni- og heilsumat

 

Hugmyndafræði

Fullyrða má að Hrafnistuheimilin hafi breytt kjörum og lífsviðhorfum aldraðra í þjóðfélaginu og stuðlað að ánægjulegu ævikvöldi þeirra. Með hækkandi lífaldri og fjölgun aldraðra í þjóðfélaginu er mikilvægt að efla þjónustu Hrafnistu enn frekar. Enda er eitt af aðalmarkmiðum Hrafnistu að vera leiðandi aðili í þjónustu og umönnun aldraðra. Hrafnista hefur markvisst verið að byggja upp sem flesta þætti er lúta að þarfa- og þjónustustigi aldraðra. Lífsgæði þeirra eru í öndvegi og jákvæðni, ánægja og alúð eru atriði sem stjórnendur og starfsmenn vilja að einkenni þeirra þjónustu.
Í Skógarbæ er starfrækt hugmyndafræði Namaste sem er ný aðferð í þjónustu við einstaklinga með heilabilun. Með þessari aðferð verður þjónustan heildrænni og einstaklingsmiðaðri. Persónumiðuð meðferð, sem stuðlar að vellíðan, felur meðal annars í sér handa- og fótaþvott með nuddi, andlitsþvott, rakstur og húðhirðu. Unnið er með skynfæri einstaklinga og þeir örvaðir á ákveðinn hátt. Það skilar sér í betri líðan, meiri ró og minni þörf á lyfjum. Þess er gætt að íbúarnir hafi alltaf greiðan aðgang að mat og drykk en reynslan hefur sýnt að fólk drekkur betur í þessu umhverfi og matarlyst eykst.
 
 

Aðstaðan

Á Hrafnistu Skógarbæ eru eingöngu  hjúkrunarrými og er heimilið hannað með það í huga að veita heimilislegt yfirbragð. Herbergin eru búin rafdrifnum sjúkrarúmum, náttborðum og gluggatjöldum. Einnig leggur hjúkrunarheimilið til rúmfatnað og handklæði en heimilt er að koma með eigið lín. Hjúkrunarkallkerfi er til staðar við hvert rúm. Íbúar geta haft hjá sér síma, sjónvarp og tölvu en greiða sjálfir afnotagjöld. Einnig er hægt að hafa með sér aðra persónulega muni sem taka ekki mikið pláss. 
 
Í hverju herbergi er:
 
     Sjúkrarúm, náttborð og fataskápur
     Gardínukappar og rúllugluggatjöld  
     Öryggiskallkerfi  
     Tengingar fyrir síma, sjónvarp og tölvu  
 
Heimilismenn útvega sjálfir annan húsbúnað og gluggatjöld ef þeir óska þess.  
 

Til baka takki

Þessi vefsíða notar kökur (cookies). Með því að halda áfram að nota vefinn, samþykkir þú þessa virkni vefsins.
Samþykkja kökur