Leit

social link

 

Topp slide - kopavogur

Hrafnista í Kópavogi tók til starfa í mars árið 2010. Sjómannadagsráð rekur heimilið líkt og önnur Hrafnistuheimili. Aðstaðan er framúrskarandi í  rólegu og friðsælu umhverfi rétt við Elliðavatn í Kópavogi. Áfast við hjúkrunarheimilið er þjónustumiðstöðin Boðinn sem Kópavogsbær rekur.  Þessi samrekstur gerir að verkum að heimilismenn geta notið alls hins besta sem í boði er í þjónustu við aldraða.  Einnig er innangengt í öryggis- og þjónustuíbúðir sem Naustavör dótturfyrirtæki Sjómannadagsráðs rekur.


Hugmyndafræði

Hrafnista í Kópavogi er rekin eftir danskri hugmyndafræði Lev og bo. Rík áhersla er lögð á sjálfsákvörðunarrétt og þátttöku íbúa. Starfsmenn taka það besta frá sjálfstæðri búsetu og sameina það öryggi hjúkrunarheimilis. Starfsfólk og íbúar vinna saman  að því að skapa heimilislegt, hlýlegt og virkt samfélag. Hugmyndafræði Lev og bo kemur fram í mörgum þáttum í hönnun húsnæðisins í Kópavogi, hún birtist m.a. í því að stoðeiningar heimilisins, s.s. starfsmannaaðstaða, aðstaða fyrir félagsstarf, dagvistun, iðjuþjálfun og endurhæfingu ásamt ýmsu fleiru í starfsemi hjúkrunarheimila, eru ekki staðsettar á sjálfu heimilinu, heldur í  þjónustumiðstöð sem er í sérbyggingu samtengdri húsnæði Hrafnistu.

Inntaka íbúa á Hrafnistu Kópavogi  fer fram í gegnum færni-  og heilsumatskerfi Landlæknisembættisins.

Umsókn um færni- og heilsumat

Sjá reglugerð um færni- og heilsumat vegna dvalar- og hjúkrunarrými


Aðstaðan

Við hönnun og uppbyggingu á Hrafnistuheimilinu í Kópavogi er mikið horft til Lev og bo. Að auki var leitað  í smiðju Svæðisskrifstofu um málefni fatlaðra. Einnig voru önnur öldrunarheimili á Íslandi skoðuð svo og rannsóknir og kenningar í öldrunarfræðum. Á heimilinu í Kópavogi eru 44 íbúar á 4 deildum.  Öll herbergi eru einbýli. Hvert herbergi er um 35 fermetrar, sameiginlegt svefnherbergi og stofa auk baðherbergis og eldhúskróks, þar sem er innrétting með ísskáp og vaski en einnig er  þar að finna sjúkrarúm, náttborð og fataskáp á hjólum, gardínukappa og rúllugluggatjöld. Einnig er á herbergjunum öryggiskallkerfi, tengingar fyrir síma, sjónvarp og tölvu. Heimilismenn útvega síðan sjálfir annan húsbúnað og gluggatjöld ef þeir óska eftir að gera heimili sitt ennþá heimilislegra. 

b_370_236_16777215_00_images_hrafnistakopavogi_kop2.jpgb_370_238_16777215_00_images_hrafnistakopavogi_kop3.jpg
b_370_225_16777215_00_images_hrafnistakopavogi_kop4.jpg
b_370_252_16777215_00_images_hrafnistakopavogi_kop1.jpg
b_370_245_16777215_00_images_hrafnistakopavogi_kop5.jpg
Í hverju herbergi sem er um 35 fm er:

     Sjúkrarúm, náttborð og fataskápur á hjólum  
     Gardínukappar og rúllugluggatjöld  
     Öryggiskallkerfi  
     Tengingar fyrir síma, sjónvarp og tölvu  
     Eldhúskrókur og lítill ískápur  
     Salerni ásamt sturtu. 

Heimilismenn útvega sjálfir annan húsbúnað og gluggatjöld ef þeir óska þess.  
 


Sameiginlegt rými
hk-samrymi1.jpghk-samrymi2.jpg
hk-samrymi3.jpghk-samrymi4.jpg

 

 
 
 

Til baka takki

Fótur - kpv

Hrafnista Kópavogi ~ 480210-2040 ~ Aðalsími 531 4000 ~ Fax 531 4009 ~ Boðaþingi 5-7 ~ 203 Kópavogi ~ hrafnista@hrafnista.is

Banners neðst á forsíðu 1

Happdrætti DAS