Sjúkraþjálfunin er staðsett í glæsilegu húsnæði með fallegu útsýni yfir Elliðavatn. Deildin er útbúin góðum tækjasal, leikfimisal og meðferðarklefum.
Sjúkraþjálfari sinnir einstaklingsmeðferðum og býr til æfingaáætlanir (þol, styrktar og jafnvægisþjálfun) fyrir heimilismenn.
Markmið sjúkraþjálfunar er að auka lífsgæði heimilismanna, til dæmis að minnka verki, auka hreyfanleika og viðhalda færni. Sjúkraþjálfari, ásamt íþróttafræðingi, sjá um hóptíma fyrir dagdvölina og íbúa í þjónustuíbúðunum.
Heimilismönnum stendur til boða æfingameðferð eða önnur sérhæfðari meðferð, allt eftir þörfum hvers og eins. M.a. er um að ræða almenna þjálfun, SNAG, boccia, jafnvægisþjálfun, sundleikfimi, ýmsa hóptíma og stólaleikfimi. Yfir sumartímann stendur deildin einnig fyrir ýmsum atburðum, s.s gönguferðum, púttkennslu og kvennahlaupi. Sjúkraþjálfarar sjá um að panta hjólastóla, gönguhjálpartæki og spelkur fyrir heimilismenn ef á þarf að halda. Sjúkraþjálfarar annast hluta af RAI-hjúkrunarþyngdarmati heimilismanna. Einnig sjá þeir um fræðslu (t.d. varðandi hjálpartæki og líkamsbeitingu) fyrir starfsfólk og skjólstæðinga.
Aðstoðarmaður sjúkraþjálfara sér um að flytja skjólstæðinga í og úr þjálfun, veita einstaklingum og hópum aðstoð í tækjasal ásamt því að gefa heita bakstra.
Beinn sími hjá Orkuþingi sjúkraþjálfun er 531 4015.
Sjúkraþjálfarar
Ester Gunnsteinsdóttir er deildarstjóri sjúkraþjálfunar á Hrafnistu í Kópavogi, ester.gunnsteinsdottir[hja]hrafnista.is
Katrín Björgvinsdóttir, sjálfstætt starfandi sjúkraþjálfari kata.physio[hja]gmail.com