Leit

svæði efst í haus hægra megin

 Hrafnista á Workplace FacebookHrafnista á Facebook

 

 
 
b_250_250_16777215_00_images_hrafnistareykjanesi_nesvellir3.jpeg

Hrafnista Nesvellir í Reykjanesbæ var opnað 14. mars 2014. Heimilið er rekið eftir nýrri hugmyndafræði í öldrunarþjónustu. Rík áhersla er lögð á sjálfsákvörðunarrétt og þátttöku íbúa. Tekið er það besta frá sjálfstæðri búsetu og sameinum það öryggi hjúkrunarheimilis. Á Hrafnistu í Nesvöllum búa 10 heimilismenn á hverri einingu. Þar starfa hjúkrunarfræðingar, læknar, sjúkraliðar, félagsliðar og starfsfólk við umönnun allan sólarhringinn.

Þeir sem óska eftir því að fá að skoða heimilið er bent á að hafa  samband við Sigríði Rós Jónatansdóttur í síma 664-9586 eða í netfangið  This email address is being protected from spambots. You need JavaScript enabled to view it.

Vinsamlegast athugið að þar sem Hrafnista er heimili þeirra sem þar dvelja er ekki hægt að skoða nema bóka tíma. 

 

Hugmyndafræði

Hrafnista í Reykjanesbæ, bæði Nesvellir og Hlévangur er rekin eftir danskri hugmyndafræði Lev og bo. Starfsfólk og íbúar vinna saman við að skapa heimilislegt, hlýlegt og virkt samfélag og starfsmenn taka það besta frá sjálfstæðri búsetu og sameina það öryggi hjúkrunarheimilis. Starfsfólk og íbúar vinna saman  að því að skapa heimilislegt, hlýlegt og virkt samfélag. Hugmyndafræði Lev og bo kemur fram í mörgum þáttum í hönnun húsnæðisins í Reykjanesbæ, hún birtist m.a. í því að stoðeiningar heimilisins, s.s. starfsmannaaðstaða, aðstaða fyrir félagsstarf, dagvistun, iðjuþjálfun og endurhæfingu ásamt ýmsu fleiru í starfsemi hjúkrunarheimila, eru ekki staðsettar á sjálfu heimilinu, heldur í  þjónustumiðstöð sem er í sérbyggingu samtengdri húsnæði Hrafnistu.


Aðstaðan

Hönnun húsnæðisins tekur mið af hugmyndafræði Lev og bo. Húsnæðið byggir á litlum einingum með eldhúsi, setustofu og borðstofu í miðju hússins sem myndar umgjörð um daglegt líf á heimilinu. Persónuleg rými eru stór og björt og stoðeiningar, svo sem endurhæfing, félagsstarf, dagvistun og mötuneyti fyrir íbúa í þjónustuíbúðum, eru staðsettar í samtengdri þjónustumiðstöð. Öll herbergi eru einbýli. Hvert herbergi er um 35 fermetrar, sameiginlegt svefnherbergi og stofa auk baðherbergis og eldhúskróks, þar sem er innrétting með ísskáp og vaski en einnig er þar að finna sjúkrarúm, náttborð og fataskáp á hjólum, gardinukappa og rúllugluggatjöld. Einnig er á herbergjunum öryggiskallkerfi, tengingar fyrir síma, sjónvarp og tölvu. Heimilismenn útvega síðan sjálfir annan húsbúnað og gluggatjöld ef þeir óska eftir að gera heimili sitt ennþá heimilislegra.

  • Til baka takki

    Fótur - nesvöllum

     Aðalsími (skiptiborð) 585 3000 ~ Hrafnista Nesvellir ~ 630114-1950 ~ Njarðarvöllum 2 ~ 260 Reykjanesbæ ~ hrafnista@hrafnista.is

     

     

     

    Banners neðst á forsíðu 1

    Happdrætti DAS 

     





    Þessi vefsíða notar kökur (cookies). Með því að halda áfram að nota vefinn, samþykkir þú þessa virkni vefsins.
    Samþykkja kökur