Fréttasafn

Þorrablót Hrafnistu Hraunvangi verður haldið fimmtudaginn 31. janúar nk.

Veislustjóri er Guðrún Árný Karlsdóttir og Böðvar Magnússon spilar undir borðhaldi sem hefst kl. 17:30 í borðsalnum.

Miðasala fer fram í verslun á 1. hæð og stendur til hádegis þriðjudaginn 29. janúar

Verð fyrir meðlimi í DAS-klúbbnum er kr. 3.500 og fyrir gesti kr. 4.500.

Sjá nánari auglýsingu hér

Málverkasýning á verkum Ólafs Maríussonar var opnuð í Menningarsalnum á Hrafnistu Hraunvangi í Hafnarfirði í gær, þriðjudaginn 15. janúar. Þess má geta að Ólafur er 97 ára gamall.

Skálað var í bleikum drykk og notið þess að hlusta á Hauk Guðlaugsson spila á píanóið, en Haukur er 10 árum yngri en Ólafur eða 87 ára gamall.

Stöð 2 leit við og tók skemmtilegt viðtal við Ólaf.

http://www.visir.is/k/80fbcc28-c7da-4c49-ba79-16253059706d-1547581511759

Þorrablót Hrafnistu Laugarási verður haldið föstudaginn 25. janúar nk. í Skálafelli.

Veislustjóri er Guðrún Árný Karlsdóttir og hefst skemmtunin kl. 17:00. Bragi Fannar harmonikkuleikari spilar undir borðhaldi sem hefst kl. 18:00.

Miðasala og skráning á þorrablótið fer fer fram á skiptiborði  Hrafnistu Laugarási 2. hæð kl. 10:00 – 16:00 alla virka daga og stendur til miðvikudagsins 23. janúar. Verð fyrir meðlimi í DAS-klúbbnum er kr. 3.500 og fyrir gesti kr. 4.500.

Sjá nánari auglýsingu hér

Sólveig Guðjónsdóttir, sjúkraliði sem starfar í Vinaþingi (dagdvöl) Hrafnistu Boðaþingi, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Sólveig og Lilja Kristjánsdóttir deildarstjóri dagdvalar Hrafnistu Boðaþingi í Kópavogi.

Alma Ýr Þorbergsdóttir, deildarstjóri dagvistar Hrafnistu Hraunvangi, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Alma Ýr og Árdís Hulda Eiríksdóttir forstöðumaður Hrafnistu Hraunvangi í Hafnarfirði.

Hin árlega  flugeldasýning Kiwanisklúbbsins Heklu var haldinn á Hrafnistu Laugarási á Þrettándanum, sunnudaginn 6.janúar 2019.

Veðrið lék við okkur og flugeldarnir voru sérstaklega fallegir í ár. Við þökkum Kiwanismönnum og björgunarsveit Ársæls fyrir viðburðinn og fjörið.

Hátíðarguðsþjónusta var haldin á aðfangadag kl. 14:00 í  Menningarsalnum á Hrafnistu Hraunvangi. Salurinn var þétt skipaður af heimilisfólki og aðstandendum þeirra.  Hátíðartón sr. Bjarna Þorsteinssonar var sungið, sem eingöngu er sungið á hátíðum.  Hátíðarkvartett söng en það voru þau Jóhanna Ósk Valsdóttir, Þóra Björnsdóttir, Hjálmar Pétursson og Örvar Már Kristinsson. Forsöngvari var Jóhanna Ósk Valsdóttir.  Organisti var Kristín Waage. Heimilisfólkið tók undir og söng með fallegu jólasálmana og endað var með að syngja Heims um ból.

Á Hrafnistu Laugarási var hátíðarguðsþjónusta haldin á aðfangadag kl. 16:00. Hátíðarkvartett söng en það voru þau Ragnheiður Sara Grímsdóttir, Anna Sigríður Helgadóttir, Jón Helgason og Bragi Þór Valsson.  Forsöngvari og einsöngvari var Anna Sigríður Helgadóttir.  Anna Sigríður söng eftirminnilega Ave Mariu eftir Kaldalóns og Ó, helga nótt.  Organistinn var Bjartur Logi Guðnason.  Heimilisfólkið tók undir og söng með fallegu jólasálmana og endað var með að syngja Heims um ból.

Meðfylgjandi eru myndir sem teknar voru á aðfangadag, bæði á Hraunvangi og í Laugarási.

Stjórn Sjómannadagsráðs og stjórnendur Hrafnistuheimilanna senda heimilisfólki, aðstandendum og starfsfólki Hrafnistuheimilanna sínar bestu óskir um gleðileg jól og farsæld á nýju ári. Með þakklæti fyrir ánægjulega samveru og góða samvinnu og samstarf á árinu sem er að líða.