 |
| | |  |
Vegna styttingu á vinnuviku dagvinnufólks á Hrafnistu þá mun símaskiptiborð heimilanna verða opið framvegis frá kl. 8-15 virka daga en ekki kl. 8-16 eins og verið hefur.
Eftir lokun á símaskiptiborði mun símsvari á hverju heimili fyrir sig fara á kl. 15:00 alla virka daga.
Ef einhvern tímann er tilefni til að flagga íslenska fánanum þá er það í dag þegar fyrsti íbúi Hrafnistuheimilanna hefur verið bólusettur og önnur Hrafnistuheimili fylgja svo í kjölfarið í dag og á morgun, miðvikudag.
Sigríður Skarphéðinsdóttir íbúi á Hrafnistu Hraunvangi í Hafnarfirði fékk fyrstu bólusetninguna af íbúum Hrafnistu. Hún er 97 ára gömul og stígur hér fyrstu skrefin í að ná niðurlögum á þessari óværu ásamt öðrum íbúum heimilanna. Að sjálfsögðu fögnum við þessum degi með því að skála í freyðivíni og gæða okkur á kökum með kaffinu seinna í dag.
Það er óhætt að segja að við göngum klökk inn í daginn, þakklát fyrir þá vinnu og þær fórnir sem íbúar, starfsfólk og aðstandendur á Hrafnistu hafa lagt á sig til að ná yfirhöndinni í þessu stríði. Við gerum okkur grein fyrir að það var ekki sjálfgefið.
Við sjáum glitta í endalokin á þessum faraldri en þetta er ekki alveg búið svo gleymið ekki að halda uppi vörnum líkt og þið hafið gert svo vel hingað til því saman ætlum við að klára þetta verkefni.
Þúsund þakkir til ykkar allra, þið eruð hetjur öll sem eitt ❤
Fyrir hönd Sjómannadagsráðs og framkvæmdaráðs Hrafnistuheimilanna,
Hálfdan Henrysson formaður stjórnar Sjómannadagsráðs, María Fjóla Harðardóttir forstjóri Hrafnistu og Árdís Hulda Eiríksdóttir forstöðumaður Hrafnistu Hraunvangi.
Meðfylgjandi myndir voru teknar í morgun þegar Sigríður Skarphéðinsdóttir var bólusett, fyrsti íbúinn á Hrafnistu til að fá bólusetningu. Allar myndir af Sigríði eru birtar með hennar leyfi.
Kæru íbúar og aðstandendur,
Neyðarstjórn Hrafnistu færir ykkur þau gleðitíðindi að bólusetning við Covid-19 mun hefjast á hjúkrunarheimilum Hrafnistu á morgun, þriðjudaginn 29. desember og ljúka miðvikudaginn 30. desember.
Bólusetningunni fylgir töluverð skipulagning og framkvæmd og því verður lokað fyrir heimsóknir ættingja þann dag sem bólusett verður á viðkomandi heimili.
Þriðjudagurinn 29. desember:
Miðvikudagurinn 30. desember:
(myndin er fengin að láni á veraldarvefnum: https://www.dailymaverick.co.za/article/2020-05-22-heres-what-the-models-predict-about-covid-19/)
Stjórn Sjómannadagsráðs og stjórnendur Hrafnistuheimilanna senda heimilisfólki, aðstandendum og starfsfólki Hrafnistu sínar bestu óskir um gleðileg jól og farsæld á nýju ári. Með þakklæti fyrir góða samvinnu og samstarf á árinu sem er að líða.
Ljósmynd: Jón Önfjörð Arnarsson - @jonarn.com
Ágætu íbúar og aðstandendur.
Það er okkur sönn ánægja að tilkynna ykkur að nú hyllir vonandi undir betri tíma hjá íbúum okkar. Von er á bóluefni við Covid til landsins og stefnt er að því að bólusetningar íbúa Hrafnistuheimilanna verði á milli hátíðanna, miðað við þær upplýsingarnar sem við höfum í dag. Undirbúningur fyrir bólusetningar á heimilunum er í fullum gangi.
Hjúkrunarfræðingar heimilanna munu fara í það að taka samtal við íbúa varðandi bólusetningar og veita þeim allar upplýsingar varðandi þær á næstu dögum.
Hver einstaklingur fær tvær bólusetningar og verður seinni bólusetningin 19-23 dögum eftir þá fyrri. Fylgjast verður með heilsufarsástandi íbúa eftir bólusetningu.
Þá daga sem íbúar heimilanna verða bólusettir verða heimilin lokuð fyrir heimsóknum og biðjum við aðstandendur að fylgjast vel með nánari upplýsingum á heimasíðu Hrafnistu (hrafnista.is) eða Facebook síðum deilda frá 28. desember, en þá ættu nákvæmar dagsetningar að liggja fyrir.
Með einlægri von um góða tíma yfir hátíðirnar.
Kærar þakkir fyrir samstöðuna.
Með kærri kveðju,
Neyðarstjórn Hrafnistu
Jocelyn A. Maglangit, starfsmaður í ræstingu Hrafnistu Hraunvangi í Hafnarfirði, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Árdís Hulda Eiríksdóttir forstöðumaður Hrafnistu Hraunvangi, Jocelyn og Ronald Andre deildarstjóri ræstingar í Hraunvangi.
Rætt var við Maríu Fjólu Harðardóttur forstjóra Hrafnistu á vísir.is í dag en þar segir María Fjóla að íbúar Hrafnistu eru almennt þakklátir fyrir að þeir verði varðir yfir hátíðirnar eftir að yfirvöld mældu gegn því að íbúar hjúkrunarheimila dvelji hjá ættingjum yfir hátíðirnar.
Viðtalið í heild sinni má lesa hér fyrir neðan:
Einnig var rætt við Maríu Fjólu í kvöldfréttum RÚV nú í kvöld.
Í dag birtist grein á visir.is eftir þær Önnu Birnu Jensdóttur framkvæmdastjóra Sóltúns, Eybjörgu Hauksdóttur framkvæmdastjóra Samtaka fyrirtækja í velferðarþjónustu og Maríu Fjólu Harðardóttur forstjóra Hrafnistu.
Í greininni er m.a. rætt um þær leiðbeiningar sem samstarfshópur Sóttvarnarlæknis, Samtaka fyrirtækja í velferðarþjónustu og heilbrigðisráðuneytisins hefur gefið út um að einungis sé opið fyrir heimsóknir frá einum til tveimur aðstandendum á dag á hjúkrunarheimilum um hátíðirnar. Þessar aðgerðir miðast allar fyrst og fremst við að vernda viðkvæman hóp íbúa hjúkrunarheimilanna. Einnig er mælt gegn því að íbúar hjúkrunarheimila fari í boð heim til ættingja á þessum tíma. „Þetta eru þung skref sem enginn vill í raun þurfa að taka, en eru nauðsynleg.“
Greinina í heild sinni má lesa hér fyrir neðan:
Þær Auður Adólfsdóttir og Ína Skúladóttir, sjúkraliðar á Bylguhrauni Hrafnistu Hraunvangi Hafnarfirði, hafa hvor um sig starfað á Hrafnistu í hvorki meira en minna en 35 ár! Um leið og við óskum þeim til hamingju með áfangann er þeim þakkað fyrir gott starf og þá tryggð sem þær hafa sýnt heimilinu.
Á meðfylgjandi mynd eru frá vinstri: Árdís Hulda Eiríksdóttir forstöðumaður Hrafnistu Hraunvangi, Eyrún Pétursdóttir hjúkrunardeildarstjóri á Bylgjuhrauni, Auður og Ína ásamt Maríu Fjólu Harðardóttur forstjóra Hrafnistu.
Síða 33 af 175
