Árlegt árvekniátak bleiku slaufunnar er í fullum gangi og þann 15. október var hinn árlegi bleiki dagur. Á bleika deginum eru landsmenn hvattir til að bera slaufuna, klæðast bleiku og lýsa skammdegið upp í bleikum ljóma svo allar konur sem greinst hafa með krabbamein finni stuðning okkar og samstöðu.
Íbúar og starfsfólk Hrafnistuheimilanna hafa ekki látið sitt eftir liggja í vitundarvakningunni gegnum árin og lagt metnað sinn í að vera sem bleikastir á bleika daginn. Heimili Hrafnistu eru að sama skapi skreytt með bleiku og starfsfólk deilda er hvatt til þess að hafa umhverfi sitt sem bleikast.
Meðfylgjandi myndir eru frá lífinu á Hrafnistuheimilunum á bleika deginum sl. föstudag.