Föstudaginn 11. október sl. var haldin Hausthátíð á Hrafnistu við Hraunvang. Hún fór einstaklega vel fram og var vel sótt. Um veislustjórn sá Katrín Halldóra söngkona og Magnús Gunnarsson, framkvæmdastjóri Hauka og fyrrverandi bæjarstjóri Hafnarfjarðar, flutti stutta ræðu. Kokkar heimilisins reiddu fram dýrindismáltíð og DAS bandið lék undir dansi. Hátíðin fór fram á Bleikum degi og var heimilið skreytt í bleiku og veislugestir voru hvattir til að mæta í einhverju bleiku á hátíðina.

Þetta var virkilega vel heppnaður dagur sem skilaði sér í mikilli gleði og ánægju veislugesta eins og sjá má á meðfylgjandi myndum.