Fréttasafn

Að gefnu tilefni viljum við benda á að verkfall SFR og Sjúkraliðafélags Íslands sem nú stendur yfir á ýmsum ríkisstofnunum á ekki við á Hrafnistuheimilunum. Starfsemi Hrafnistuheimilanna er því með venjubundnum hætti, enda eru þau ekki ríkisstofnanir.

Haustfagnaður var haldinn á Hrafnistu Hlévangi fimmtudaginn 8. október sl. Veislustjóri var Sigurður Grétar Sigurðsson, Þjóðlagasveitin Hrafninn lék nokkur lög og Dói og Baldvin léku fyrir dansi af sinni alkunnu snilld.

Meðfylgjandi eru myndir frá haustfagnaðinum. 

Haustfagnaður Hrafnistu í Kópavogi verður haldinn fimmtudaginn 15. október nk. í félagsmiðstöðinni Boðanum. Dagskráin hefst með fordrykk kl. 17:30 og borðhald hefst kl. 18:00.

Í meðfylgjandi auglýsingum má finna nánari dagskrá og upplýsingar um skráningu og miðakaup fyrir eftirtalda aðila:

Heimilismenn Hrafnistu í Kópavogi

Íbúa í Boðaþingi 22 – 24

Gesti í Dagdvöl

Guðsþjónusta verður haldin sunnudaginn 4. október kl. 14 í samkomusalnum Helgafelli.

Félagar úr Kammerkór Áskirkju syngja ásamt söngfélögum Hrafnistu.

Organisti er Magnús Ragnarsson.

Ritningarlestra lesa Edda Jóhannesdóttir og Kristín Guðjónsdóttir

Sr. Svanhildur Blöndal prédikar og þjónar fyrir altari.

Sjá meðfylgjandi auglýsingu

Fimmtudaginn 8. október 2015 verður haldinn haustfagnaður heimilismanna og starfsmanna  á Hrafnistu Hlévangi. Haustfagnaðurinn hefst með fordrykk kl. 17:30.

Miðar eru til sölu hjá Sveindísi og/eða Guðlaugu dagana 25. september - 5. október. Hver heimilismaður getur boðið með sér einum gest.  Miðaverð fyrir gesti er kr. 4.000.-

Sjá nánar meðfylgjandi auglýsingu

Október er mánuður Bleiku slaufunnar, árverknis- og fjáröflunarátaks Krabbameinsfélags Íslands gegn krabbameini hjá konum.

Við hér á Hrafnistu höfum verið dugleg að styðja við átakið og hvetjum aðra til að sýna stuðning í verki og festa kaup á Bleiku slaufunni.

Október er mánuður Bleiku slaufunnar, árveknis- og fjáröflunarátaks Krabbameinsfélags Íslands gegn krabbameinum hjá konum. Á undanförnum árum höfum við hér á Hrafnistuheimilunum tekið þátt í átakinu af krafti; skreytt húsin og haldið formlega upp á bleika daginn með ýmsum hætti – til dæmis með því að hvetja fólk til að klæðast bleiku. Þetta árið verið engin undantekning svo allir eru hvatir til að vera duglegt að taka þátt. Dagskrá bleika mánaðarins verður nánar kynnt á hverju heimili fyrir sig.

Líkt og undanfarin ár er Bleika slaufan seld í verslunum Hrafnistu. Þegar sala hófst í morgun voru það þingmennirnir Birgir Ármannsson og Sigríður Á. Andersen sem voru með þeim allra fyrstu til að næla í sig nýju slaufunum en þau voru einmitt í heimsókn á Hrafnistu í Reykjavík til að kynna sér starfsemina.

Mikill undirbúningur stendur yfir þessa dagana á Hrafnistu Hlévangi vegna haustfagnaðar heimilisfólks og starfsfólks sem fram fer 8. október nk.  

Dagskráin hefst með fordrykk og eftir matinn verður dregið í happdrætti og slegið upp balli. Leitað var til fyrirtækja í bænum til að gefa vinninga í happdrættið og var alls staðar tekið vel í það.

Heimilið verður skreytt í fallegum haustlitum og öllu verður tjaldað til. Heimilisfólk hefur tekið virkan þátt í undirbúningnum með því að hjálpa til við föndrið og ýmislegt hefur verið gert til að auka á spennuna og gleðina.

Eins og sjá má á meðfylgjandi myndum er heimilið í óða önn að taka á sig skemmtilegan haustblæ.