Fréttasafn

Sæl öll

Í dag er alþjóðlegur dagur iðjuþjálfunar og í tilefni dagsins langar mig til að fræða ykkur aðeins um iðjuþjálfun.

Nokkrir fróðleiksmolar um iðjuþjálfun í tilefni af Alþjóðlegum degi iðjuþjálfunar, 27. október 2015:

Vissir þú að ……..???

Iðjuþjálfafélag Íslands var stofnað 1976 – stofnfélagar voru 10 konur – félagsmenn eru nú um 300  – með stéttarfélags-, fag- eða nemaaðild. http://www.ii.is/

Árið 2016 verður félagið 40 ára og í tilefni afmælisins verður haldin ráðstefna í byrjun mars 2016.

Iðjuþjálfun er kennd við Háskólann á Akureyri – kennsla hófst 1997 og fyrstu „íslensku“ iðjuþjálfarnir luku námi 2001 http://www.unak.is/

Iðjuþjálfun við HA er 4ra ára BSc-nám

Fyrir tilkomu námsbrautar við HA lærðu Íslendingar iðjuþjálfun erlendis – flestir á Norðurlöndunum, en einnig í Bretlandi, Bandaríkjunum og Ástralíu.

Alheimssamtök iðjuþjálfa WORLD FEDERATION OF OCCUPATIONAL THERAPISTS voru stofnuð 1952 , http://www.wfot.org/

Stærsti vinnustaður iðjuþjálfa á Íslandi er Landspítali og þar eru iðjuþjálfar starfandi á eftirtöldum starfsstöðvum: Fossvogur, Grensás, Landakot, Hringbraut (vefrænar- og geðdeildir), Barna- og unglingageðdeild, Kleppur.

Annar stór vinnustaður iðjuþjálfa er Endurhæfingarmiðstöðin Reykjalundur. Þar starfa iðjuþjálfar á eftirtöldum sviðum: hjartasviði, lungnasviði, geðsviði, gigtarsviði, verkjasviði, hæfingarsviði, taugasviði, næringar- og offitusviði og sviði atvinnulegrar endurhæfingar.

Iðjuþjálfar eru starfandi í mörgum sveitarfélögum víðs vegar um landið og er starfssvið þeirra þar í leik- og grunnskólum.

Starfsendurhæfing er ört vaxandi þjónusta og byggir á þeirri hugsun að meta færni, en ekki óvinnufærni eða örorku. Iðjuþjálfar eru víða starfandi í starfsendurhæfingu, s.s. hjá Janus og Hugarafli og Starfsendurhæfingarsjóðnum VIRK og sem starfsendurhæfingarráðgjafar hjá stéttarfélögum. 

Á Æfingastöð SLF, Þroska- og hegðunarstöð og Greiningarstöð vinna iðjuþjálfar með börnum sem glíma við  færnivanda af ýmsum toga og fjölskyldum þeirra og veita ráðgjöf til skóla og leikskóla barnsins.

Iðjuþjálfar starfa í álverinu á Reyðarfirði og í Straumsvík við vinnuvernd.

Iðjuþjálfar eru starfandi á flestum öldrunarheimilum á Íslandi og það er starfandi faghópur í öldrunarþjónustu innan iðjuþjálfafélagsins.

Á Hrafnistu starfa 6 iðjuþjálfar: Sigurbjörg Hannesdóttir og Þorgerður Kristín Guðmundsdóttir Hrafnistu í Reykjavík. Sigurbjörg Hannesdóttir Hrafnista í Kópavogi.

Guðrún Jóhanna Hallgrímsdóttir, María Ósk Albertsdóttir og Harpa Björgvinsdóttir Hrafnistu í Hafnarfirði. Erla Durr Magnúsdóttir Hrafnistu í Reykjansbæ.

Ykkur til upplýsinga læt ég fylgja2 stutt myndbönd um iðjuþjálfun.

Hvað er iðjuþjálfun? https://www.youtube.com/watch?v=ZKdA8QzdAlo#action=share

Hvað er iðjuþjálfun? https://www.youtube.com/watch?v=ETcPH5-LmDw

Kær kveðja

Sigurbjörg Hannesdóttir

Deildarstjóri iðjuþjálfunar

Hrafnista Reykjavík og Kópavogur

Haustfagnaður var haldinn á Hrafnistu Nesvöllum í gær, fimmtudaginn 22. október. Gestir snæddu dýrindis máltíð að hætti matreiðslumeistara Hrafnistu. Veislustjóri var Sigurður Grétar Sigurðsson, Þjóðlagasveitin Hrafninn lék nokkur lög og Dói og Baldvin léku fyrir dansi af sinni alkunnu snilld.

Meðfylgjandi eru myndir frá haustfagnaðinum.

Skemmtileg stemning skapaðist á Hrafnistu í Reykjavík sl. föstudag þegar heimilsfólk og starfsfólk dressaði sig upp í bleikt í tilefni dagsins.

Næsta Alzheimer kaffi verður haldið fimmtudaginn 29. október kl. 17 að Hæðargarði 31, 108 Reykjavík.

Steinunn Leifsdóttir, íþróttafræðingur á endurhæfingardeild Hrafnistu í Reykjavík, mun m.a. ræða um nauðsyn hreyfingar á efri árum.

Kaffi og meðlæti. Aðgangseyrir kr. 500.

Allir velkomnir.

Sjá nánar meðfylgjandi auglýsingu

Í bæjarblaði Hafnfirðinga, Fjarðarpóstinum sem kom út í dag, má finna skemmtilega umfjöllun um lífið og tilveruna á Hrafnistu í Hafnarfirði.

Á blaðsíðu 10 er fjallað um málverkasýningu Þórdísar Kristinsdóttur, sem opnuð var í Menningarsalnum í síðustu viku og stendur fram til 18. nóvember.

Á blaðsíðu 11 er svo fjallað um vikulegt föstudagsball Hrafnistu, sem fram fór sl. föstudag en það var með bleiku þema að þessu sinni. Kristján Þór Júlíusson heilbrigðisráðherra heimsótti Hrafnistu þennan dag þar sem hann skoðaði heimilið með stjórnendum. Á ferð sinni um húsið var honum að sjálfsögðu boðið upp í dans.

Með því að smella á linkinn hér fyrir neðan má finna þessa umfjöllun í Fjarðarpóstinum í dag

http://www.fjardarposturinn.is/images/FP-pdf/FP-2015-38-skjar.pdf

Á Hrafnistu í Reykjavík fer daglega fram sögulestur. Einnig er lesið upp úr dagblöðum á hverjum degi og er þessi stund alltaf vel sótt. 

Á hverjum degi er lestrarstund í Hafnarfirðinum og er hún yfirleitt vel sótt. Fimmtudagar eru þeir dagar sem flestir koma og hlusta og í dag voru öll sæti upptekin.
Lesefnið þessa dagana er „Þar sem Djöflaeyjan rís“ eftir Einar Kárason og þeir sem hlýddu á í dag skemmtu sér konunglega yfir lestrinum. 

DAS-bandið lék fyrir dansi á Hrafnistu í Reykjavík í gær þann 21. október. Það var frábær stemning og allir skemmtu sér mjög vel.

Ballgestir stigu m.a. Færeyskan dans.