Fréttasafn

Í dag, 27. október, er alþjóðlegur dagur iðjuþjálfunar.

Í tilefni dagsins skrifaði formaður Iðjuþjálfafélags Íslands grein í Fréttablaðinu sem ég hvet ykkur öll til að lesa : http://www.visir.is/althjodlegur-dagur-idjuthjalfunar/article/2016161029105

Ég tók sama nokkra fróðleiksmola um stéttina sem mig langar til að deila með ykkur.

Vissir þú að ……..???

Iðjuþjálfafélag Íslands var stofnað 1976 – stofnfélagar voru 10 konur – félagsmenn eru nú yfir 300  – með stéttarfélags-, fag- eða nemaaðild. www.sigl.is

Iðjuþjálfafélag Íslands á 40 ára afmæli í ár.

Iðjuþjálfun er kennd við Háskólann á Akureyri – kennsla hófst 1997 og fyrstu „íslensku“ iðjuþjálfarnir luku námi 2001 www.unak.is

Iðjuþjálfun við HA er 4ra ára BSc-nám

Fyrir tilkomu námsbrautar við HA lærðu Íslendingar iðjuþjálfun erlendis – flestir á Norðurlöndunum, en einnig í Bretlandi, Bandaríkjunum og Ástralíu.

Alheimssamtök iðjuþjálfa: WORLD FEDERATION OF OCCUPATIONAL THERAPISTS

Stærsti vinnustaður iðjuþjálfa á Íslandi er Landspítali og þar eru iðjuþjálfar starfandi á eftirtöldum starfsstöðvum: Fossvogur, Grensás, Landakot, Hringbraut (vefrænar- og geðdeildir), Barna- og unglingageðdeild, Kleppur.

Annar stór vinnustaður iðjuþjálfa er Endurhæfingarmiðstöðin Reykjalundur. Þar starfa iðjuþjálfar á eftirtöldum sviðum: hjartasviði, lungnasviði, geðsviði, gigtarsviði, verkjasviði, hæfingarsviði, taugasviði, næringar- og offitusviði og sviði atvinnulegrar endurhæfingar.

Iðjuþjálfar eru starfandi í mörgum sveitarfélögum víðs vegar um landið og er starfssvið þeirra þar í leik- og grunnskólum.

Starfsendurhæfing er ört vaxandi þjónusta og byggir á þeirri hugsun að meta færni, en ekki óvinnufærni eða örorku. Iðjuþjálfar eru víða starfandi í starfsendurhæfingu, s.s. hjá Janus og Hugarafli og Starfsendurhæfingarsjóðnum VIRK og sem starfsendurhæfingarráðgjafar hjá stéttarfélögum. 

Á Æfingastöð SLF, Þroska- og hegðunarstöð og Greiningarstöð vinna iðjuþjálfar með börnum sem glíma við  færnivanda af ýmsum toga og fjölskyldum þeirra og veita ráðgjöf til skóla og leikskóla barnsins.

9 iðjuþjálfar starfa á Hrafnistu heimilunum:

Hrafnista Reykjavík: Sigurbjörg Hannesdóttir deildarstjóri, Inga Guðrún Sveinsdóttir og Þorgerður Kristín Guðmundsdóttir.

Hrafnista Hafnarfjörður: Harpa Björgvinsdóttir deildarstjóri, Geirlaug D. Oddsdóttir aðstoðardeildarstjóri, Marsibil Anna Jóhannsdóttir og Kristín Thomsen.

Hrafnista Kópavogur: Svanborg Guðmundsdóttir deildarstjóri.

Hrafnista Reykjanesbær: Erla Dürr Magnúsdóttir deildarstjóri.

Bestu kveðjur,

Sigurbjörg Hannesdóttir

Deildarstjóri iðjuþjálfunar

Hrafnista Reykjavík

Föstudaginn 28. október nk. verður Sr. Svanhildur Blöndal, prestur, með fræðslu í Helgafelli, 4. hæð Hrafnistu í Reykjavík kl. 13:30.

Fræðsluerindi: Sálgæsla; sorg og gleði efri áranna.

Guðsþjónusta verður haldin sunnudaginn 30. október kl. 11:00 í Menningarsalnum 1. hæð, Hrafnistu Hafnarfirði.

Hrafnistukórinn syngur undir stjórn Böðvars Magnússonar

Prestur:Svanhildur Blöndal

Í tilefni af alþjóðlegum degi iðjuþjálfunar ætla iðjuþjálfar á Hrafnistu í Reykjavík að vera með opið hús fimmtudaginn 27. október

milli kl. 13:30-14:30.

Allir velkomnir.

Sjá nánari auglýsingu með því að smella hér

Á hverju ári tekur Hrafnista á móti fjölda gesta sem hefur áhuga á að kynna sér starfsemina. Þó flestir í þeim hópi séu Íslendingar, eru alltaf reglulega gestir hjá okkur sem koma erlendis frá. Aðallega eru erlendu gestirnir frá Evrpóu en í dag heimsótti Hrafnistu í Reykjavík sendinefnd frá Shanghai í Kína. Hópurinn fékk kynningu á Hrafnistu og íslenska velferðarkerfinu en fór auk þess í skoðunarferð um heimilið.

Kínversku gestunum leist vel á starfsemi okkar og færðu okkur forláta styttu af apa að gjöf en nú er ár apans þar í landi. Meðfylgjandi myndir voru teknar í heimsókninni og gaman er að sjá kynningartexta um Hrafnistu á kínversku sem útbúinn var fyrir nokkrum árum en þetta mun vera í þriðja sinn á síðustu tíu árum sem kínverskir gestir sækja Hrafnistu heim.

Í gærkvöldi fór fram haustfagnaður á Hrafnistu í Reykjavík. Veislustjóri kvöldsins var Valgerður Guðnadóttir sem tók m.a. lagið við undirleik Helga M. Hannessonar. Eftir kvöldverðinn var svo slegið upp balli með Sighvati Sveinssyni.

Föstudaginn 21. október nk. verður Eygló Tómasdóttir, hjúkrunarfræðingur, með fræðslu í Helgafelli, 4. hæð Hrafnistu í Reykjavík kl. 13:30.

Fræðsluerindi: Þvagleki.

Á morgun, miðvikudaginn 19. október, fer fram á Hrafnistu í Hafnarfirði atkvæðagreiðsla utan kjörfundar vegna kosninga til Alþingis.  Atkvæðagreiðslan fer fram í Menningarsalnum kl. 13:30 - 17:30 og er ætluð heimilisfólki Hrafnistu.

Minnum á að nauðsynlegt er að vera með skilríki með mynd t.d. debetkort eða vísakort.