Fréttasafn

Föstudaginn 18. nóvember nk. verður Steinunn Leifsdóttir, íþróttafræðingur, með fræðslu í Helgafelli, 4. hæð Hrafnistu í Reykjavík kl. 13:30.

Fræðsluerindi: Næring eldra fólks.

Ólöf B. Sveinsdóttir, starfsmaður í aðhlynningu á Ölduhrauni Hrafnistu í Hafnarfirði, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Calsilita V. Snorrason, félagsliði á Bylgjuhrauni Hrafnistu í Hafnarfirði, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Sóley Ösp Vilhjálmsdóttir hjúkrunarfræðingur hefur verið ráðin aðstoðardeildarstjóri á Hrafnistu Kópavogi. Sóley útskrifaðist sem hjúkrunarfræðingur frá HÍ 2008 og hefur starfað við hjúkrun síðan. Hún hefur góða reynslu af öldrunarhjúkrun og hefur bæði starfað á hjúkrunarheimilum hér heima og í Danmörku. Áður en Sóley hóf störf sem hjúkrunarfræðingur á Hrafnistu Kópavogi í mars 2016 starfaði hún á vöknun (12-A) og gjörgæsludeild (12-B) á Landspítalanum.

Við bjóðum Sóley Ösp velkomna í stjórnendahóp Hrafnistu.

Pétur Thorsteinsson, læknir á Hrafnistu í Reykjavík, hefur starfað á Hrafnistu í 10 ár. Um leið og við óskum honum til hamingju með áfangann er honum þakkað fyrir gott starf og þá tryggð sem hann hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Pétur Thorsteinsson og Sigurður Helgason forstöðulæknir Hrafnistu.

Helena Björk Jónasdóttir, íþróttakennari á Hrafnistu í Hafnarfirði, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Helena og Bryndís F. Guðmundsdóttir deildarstjóri sjúkraþjálfunar.

Jensína Andrésdóttir, sem búið hefur á Hrafnistu í Reykjavík í tvo áratugi, eða frá árinu 1997, fagnaði í dag 107 ára afmæli sínu með vinum og ættingjum á Hrafnistu og var glatt á hjalla eins og vænta mátti. Jensína er ættuð úr Austur-Barðastrandarsýslu, nánar tiltekið frá Þórisstöðum í Þorskafirði í Reykhólahreppi, þar sem hún fæddist 10. nóvember árið 1909. Óhætt er því að segja að Jensína muni tímana tvenna. Á Þórisstöðum voru sautján í heimili, foreldrar og fimmtán systkini. Jensína fór snemma að heiman til vinnu í sveit við Ísafjarðardjúp, þar sem hún var í tvo vetur. Jensína fluttist fljótlega til Reykjavíkur þar sem hún hefur búið síðan við ýmis þjónustustörf auk þess að sinna ræstingum, m.a. á ýmsum læknastofum borgarinnar. Jensína er sá íbúi sem hefur náð hæstum aldri í tæplega 60 ára sögu Hrafnistu.

Föstudaginn 11. nóvember nk. verða nemar í iðjuþjálfun með fræðslu í Helgafelli, 4. hæð Hrafnistu í Reykjavík kl. 13:30.