Fréttasafn

Á Sjómannadaginn afhenti Gísli Gíslason, hafnarstjóri Faxaflóahafna, Sigrúnu Stefánsdóttur forstöðumanni Hrafnistu í Reykjavík bókina:  Hér heilsast skipin. Saga Faxaflóahafna 1. og 2. bindi eftir Guðjón Friðriksson.  Í bókinni er sögð saga þeirra hafna sem tilheyra Faxaflóahöfnum, eins og Reykjavíkurhöfn, Akraneshöfn, Borgarneshöfn og Grundartangahöfn.  Í bókinni er fjöldi ljósmynda og einnig er sagt frá höfninni í Hvalfirði sem var herskipahöfn á stríðsárunum.

Hátíðarguðsþjónusta var haldin á sjómannadaginn á Hrafnistu í Reykjavík. Ræðumaður dagsins var Gísli Gíslason hafnarstjóri Faxaflóahafna.  Hann sagði frá því grettistaki að leggja í hafnargerð árið 1913 og þeim stórhug sem fylgdi framkvæmdinni.  Þetta var stærsta mannvirki sem lagt hafði verið út í á Íslandi fram til þessa. 

Sveinn H. Guðmarsson upplýsingafulltrúi Landhelgisgæslunnar las ritningarlestra, glæsilegur í einkennisbúningi Landhelgisgælunnar.  Vigdís Sigurðardóttir söng eftirminnilega, Ave Mariu eftir Bach/Gonoud og lagið Í dag skein sól.  Félagar úr Kammerkór Áskirkju syngu og organistinn var Magnús Ragnarsson. Sr. Svanhildur Blöndal þjónaði fyrir altari.

Opið hús var í Bustafelli á 4. hæð Hrafnistu í Reykjavík þar sem fram fór handverkssýning og sala á handverki íbúa. Lúðrasveit Reykjavíkur lék nokkur lög út í garði þar sem einmuna veðurblíða lék við íbúa og gesti. Fjöldi fólks lagði leið sína á Hrafnistu í Reykjavík og boðið var upp á kaffiveitingar í tilefni dagsins.

Meðfylgjandi eru myndir frá Sjómannadeginum á Hrafnistu í Reykjavík.

Guðríður Harðardóttir fótaaðgerðafræðingur hefur tekið við rekstri fótaaðgerðastofu Hrafnistu í Hafnarfirði.

Guðríður starfaði í vetur á stofunni sem starfsmaður Sigrid Foss en Sigrid hefur látið af störfum að eigin ósk.

Á stofunni starfa einungis löggiltir fótaaðgerðafræðingar sem leggja áherslu á að veita faglega og góða þjónustu í rólegu og þægilegu umhverfi. Unnið er á ýmsum fótameinum og keppst við að auka þægindi og vellíðan skjólstæðinga.

Stofan er opin alla virka daga milli klukkan 9:00 -14:00.

Tímapantanir eru í síma 585-3171.

 Við bjóðum Guðríði velkomna og hlökkum til að starfa áfram með henni á Hrafnistu.

Sjómannadagurinn verður haldinn hátíðlegur sunnudaginn 11. júní n.k.. Dagskrá Sjómannadagsins verður með hefðbundnum hætti, en hún hefst formlega kl. 10.00 á sunnudag með minningarathöfn um týnda drukknaða sjómenn við Minningaröldur Sjómannadagsráðs við Fossvogskirkju. Þá verður sjómannamessa í Dómkirkjunni sem hefst kl. 11.00 þar sem sr. Hjálmar Jónsson þjónar fyrir altari og prédikar ásamt biskup Íslands frú Agnesi M. Sigurðardóttur. Hátíðardagskrá Sjómannadagsins hefst síðan kl. 14.00 á aðalsviði við Grandagarð, en þar verður flutt tónlist Karlakórs Kjalnesinga, hátíðarræður og heiðrun sjómanna undir styrkri stjórn Gerðar G. Bjarklind, en hún stýrir athöfninni sem send verður beint út á Rás 1.

Á Hrafnistuheimilunum verður einnig fjölbreytt dagskrá í tilefni Sjómannadagsins, en dagskrá á hverju heimili má finna á heimsíðu Hrafnistu  www.hrafnista.is

Um helgina, nánar tiltekið á laugardag og sunnudag fer jafnframt fram borgarhátíðin Hátíð hafsins á Grandagarði í Reykjavík, sem Sjómannadagurinn er hluti af. Dagskrá hátíðarinnar má finna hér, en ítarlegri upplýsingar um hátíðina er að finna á heimasíðunni  www.hatidhafsins.is     

Dagskrá sjómannadagsins á Hrafnistu í Hafnarfirði hefst kl. 10:00 með Lúðrasveit Hafnarfjarðar.

Hátíðarguðsþjónusta fer fram kl. 10:45 í Menningarsalnum 1. hæð. Ræðumaður dagsins er Bylgja Baldursdóttir, kennari.

Handverkssýning verður opin frá kl. 13:00 – 15:30 á jarðhæð/kjallara.

Sjá nánari dagskrá með því að smella hér. 

Á sjómannadaginn þann 11. júní nk. verður vinnustofa iðjuþjálfunar með sýningu og sölu á handverki heimilismanna frá kl. 13:00 til 16:00 í Bustafelli 4. hæð. Hrafnistu Reykjavík. 

Hátíðarguðsþjónusta fer fram kl. 13:30 í Helgafelli 4. hæð. Ræðumaður er Gísli Gíslason hafnarstjóri í Reykjavík.

Handverksýningin verður einnig opin mánudaginn 12. júní frá kl. 9:00-16:00.

Sjá nánari dagskrá með því að smella hér.

Heimir Einarsson, matreiðslumaður á Hrafnistu í Reykjavík, hefur starfað á Hrafnistu í 15 ár. Um leið og við óskum honum til hamingju með áfangann er honum þakkað fyrir gott starf og þá tryggð sem hann hefur sýnt heimilinu.

Á meðfylgjandi mynd eru frá vinstri: Ólafur Haukur Magnússon yfirmatreiðslumaður, Pétur Magnússon forstjóri Hrafnistu, Heimir Einarsson, Magnús Margeirsson yfirmaður eldhúsa Hrafnistuheimilanna og Harpa Gunnarsdóttir fjármálastjóri Hrafnistu.