Miðvikudaginn 27. júlí sl. var haldin glimrandi fín grillhátíð á Hrafnistu í Reykjavík.

Það var létt yfir mannskapnum og góður rómur var gerður að matnum, aðstöðunni, veðrinu, samverunni og skemmtilegri tilbreytingu.

Dagurinn var einn af heitustu dögum sumarsins í kringum 20 stiga hiti og sem betur fer hélt sólin sig að mestu bak við skýin á meðan heimilisfólk, starfsfólk og gestir nutu matarins og útiverunnar.