Magnús Einarsson, góðvinur okkar á Hrafnistu Boðaþingi, setti saman litla útiskemmtun í gær sem sló heldur betur í gegn. Hjördís Geirs ásamt vinkonum kom og tók lagið með okkur, Guðni Ágústsson hélt smá tölu og Arndís Halla Ásgeirsdóttir sópran tók nokkur lög. Heiðursgestur var stóðhesturinn Rauðskeggur frá Kjarnholtum sem vakti mikla lukku. Við þökkum öllu þessu góða fólki og hesti kærlega fyrir komuna og þeirra framlag.
Þess má geta að gætt var vel að sóttvörnum og öllum reglum um sóttvarnarhólf var fylgt í hvívetna.
Meðfylgjandi myndir voru teknar í gær og eins og sjá má lék veðrið við menn og dýr í garðinum á Hrafnistu í Boðþingi í gær.