Lionsklúbbur Hafnarfjarðar færði á dögunum sjúkraþjálfun á Hrafnistu Hraunvangi veglega gjöf. Um er að ræða tvo rafstýrða vinnustóla og einnig tvö titringsbretti eða powerboard. Þessi gjöf kemur til með að nýtast notendum sjúkraþjálfunar í Hraunvangi mjög vel, en það eru íbúar hjúkrunarheimilisins ásamt gestum í dagdvöl, og einnig þeim sem búa í leiguíbúðunum í kring þegar tækjasalurinn opnar aftur eftir Covid. Sjúkraþjálfun á Hrafnistu Hraunvangi þakkar Lionsklúbb Hafnarfjarðar kærlega fyrir þessa kærkomnu gjöf.
Myndirnar eru fengnar að láni hjá Fjarðarfréttum