Í dag, miðvikudag 7.október, var aftur staðfest COVID-19 smit hjá íbúa á Hrafnistu Ísafold í Garðabæ. Er það þriðja smitið á Hrafnistu Ísafold, nánar tiltekið á Ásbyrgi. Búið er að tryggja öryggi annarra íbúa eins og hægt er og að upplýsa aðstandendur þess smitaða. Í samræmi við verkferla Hrafnistu hefur nú þegar verið ræst ákveðið viðbúnaðarstig þegar staðfest er um smit hjá íbúum eða starfsfólki þar sem unnið er eftir verklagi neyðarstjórnar Hrafnistu sem er á vakt allan sólarhringinn í tilfellum sem þessum til að tryggja sem best gæði og öryggi íbúa og starfsmanna. Ísafold er áfram lokuð og eru allir íbúar heimilisins í sóttkví á meðan unnið er að nánari greiningu. Hrafnista vinnur nú með rakningarteymi Almannavarna að því að stöðva frekari smitútbreiðslu.

Virðingarfyllst,

Neyðarstjórn Hrafnistu