Föstudaginn 13. mars sl. fögnuðu íbúar og starfsfólk Nesvalla 6 ára rekstrarafmæli Hrafnistu á Nesvöllum. Borð voru dúkuð upp og skreytt var með blöðrum. Boðið var upp á dásamlegan lambahrygg með öllu tilheyrandi ásamt köku í eftirrétt. Ljúfir tónar voru settir „á fóninn“ og allir gleymdu sér í gleðinni enda nauðsynlegt að lyfta sér upp á þessum sérstöku tímum í lífi okkar allra. Íbúar og starfsfólk Nesvalla senda kærleikskveðjur út til allra.