FÖSTUDAGSMOLAR FORSTJÓRA
Föstudaginn 18. desember 2015.
Ágæta samstarfsfólk á Hrafnistuheimilunum,
Ég vil nota þetta tækifæri og óska ykkur og fjölskyldum ykkar gleðilegra jóla og farsældar á komandi ári. Ég vona að þið eigið öll ánægjulegar stundir um hátíðarnar í faðmi fjölskyldu og vina.
Jafnframt þakka ég ykkur og ykkar fólki kærlega fyrir ánægjulegt og árangursríkt samstarf á árinu sem er að líða og hlakka mikið til að takast á við árið 2016 með ykkur – þar sem verkefnið verður að gera mjög góða Hrafnistu ennþá betri!
Það eru forréttindi að fá að vinna með ykkur – líklega fáir jafnheppnir og ég :-)
Eitt það allra skemmtilegasta sem ég geri hér í vinnunni er að fara í árlega jólaheimsókn nú fyrir jólin, en þetta er siður sem ég tók upp árið 2009. Þá set ég hefðbundna vinnu til hliðar í tvo daga og reyni að heimsækja allar deildir Hrafnistheimilanna með jólakrakka mér við hlið sem syngja og spila jólalög fyrir starfsfólk og heimilisfólk og smá jólanammi fylgir með. Í gær var ég í Reykjavík og Reykjanesbæ en í dag verð ég í Hafnarfirði og Kópavogi.
Vonandi næ ég að kasta jólakveðju á ykkur sem allra flest!
Bestu kveðjur,
Pétur