Ég ætla ekki að minnast á XXXXX-XX í þessum pistli. Ekki einu orði. Ef þið vitið ekki hvað ég á við þá er þetta gáta helgarinnar ⯑ en að öllu gamni slepptu þá ætla ég að hvíla þetta margumrædda umræðuefni í þessum pistli. Það er ýmislegt ánægjulegt að gerast eins og stytting vinnuvikunnar hjá dagvinnufólki sem hófst 1. janúar og hefur farið vel af stað með mismunandi útfærslum eftir deildum og starfssemi. Ég hef ekki heyrt annað en það sé almenn ánægja með hvernig til hefur tekist. Betri vinnutími vaktavinnufólks er viðamikið verkefni sem kemur í gagnið þann 1. maí næst komandi og undirbúningur á því er í fullum gangi. Þetta er tvö mjög spennandi verkefni sem starfsfólk  hefur barist fyrir til margra ára og er loksins að verða að staðreynd. Þetta er algerlega nýtt og auðvitað munum við öll þurfa að læra á þetta og breyta og aðlaga  eftir því sem reynslan kennir okkur. Ég held hins vegar að hugarfarið á hvernig við nálgumst svona breytingar skipti öllu máli, þetta kallar á að allir aðilar verða að læra og tileinka sér nýja hugsun á nýju kerfi sem á eftir að skila sér í bættum vinnutíma og betri samþættingu vinnu og einkalífs.

Lífshlaupið byrjaði núna 3. febrúar og er það í annað sinn sem Hrafnistuheimilin taka þátt. Við stóðum okkur feikivel í fyrra þar sem við urðum í öðru sæti. Mig langar að hvetja alla til að taka þátt og vera með. Öll höfum við gott af því að hreyfa okkur og það er ekki of seint að skrá sig. Það þarf ekki að fara í langa hlaupatúra né göngutúra á hverjum degi til að vera með. Öll hreyfing telur hvort sem það er t.d. dans á stofugólfinu heima, jóga, billiard eða hestamennska, listinn yfir hreyfingu er mjög langur inni á lífshlaupinu og hvort sem við hreyfum okkur einu sinni í viku eða tvisvar á dag það fer algerlega eftir hverjum og einum.

Góða helgi ⯑

Sigrún Stefánsdóttir,

Forstöðumaður Hrafnistu í Laugarási.