Á Hrafnistuheimilunum eru veislusalir sem heimilismenn geta fengið leigða fyrir t.d. afmælisveislur. Salirnir eru leigðir með borðbúnaði, kaffi, te, mjólk og molasykri. Annað s.s. kaffimeðlæti, veisluföng og skreytingar sjá leigjendur um sjálfir.
Hrafnista Laugarási Reykjavík
Helgafell er salur á 4. hæð C álmu. Salurinn er að hluta til undir súð með stórum þakgluggum. Salurinn rúmar allt að 80 manns í sæti og er leigan 20.000,- kr. Einnig er mögulegt að fá leigða dúka og er kostnaður við það 250,- kr. fyrir hvern dúk. Þeir sem vilja leigja sal senda tölvupóst á Auði Björk Bragadóttur, deildarstjóra í borðsal, This email address is being protected from spambots. You need JavaScript enabled to view it. eða hafa samband í síma 693 9540.
Hrafnista Hraunvangi Hafnarfirði
Hægt er að fá leigðan sal fyrir minni afmælisveislur íbúa. Kristín Benediktsdóttir, deildarstjóri í borðsal, sér um bókun og veitir nánari upplýsingar í s. 664 9429. Einnig hægt að senda tölvupóst í netfangið This email address is being protected from spambots. You need JavaScript enabled to view it.
Hrafnista Boðaþingi Kópavogi
Kópavogsbær býður til leigu sali í húsakynnum félagsmiðstöðvum eldri borgara. Salirnir eru eingöngu ætlaðir til afnota fyrir eldri borgara sem eru búsettir í Kópavogi. Ávallt er gert ráð fyrir að starfsmaður sé á staðnum og greiðir viðkomandi leigutaki sérstaklega fyrir hans vinnu. Í Boðanum eru tveir salir sem mögulegt er að fá leigða. Minni salurinn tekur 50 manns í sæti en sá stærri allt að 170 manns.
Innifalið í leigu er allur borðbúnaður, afnot af áhöldum og tækjakosti í eldhúsi og hljóðkerfi hússins, dúkur á matarborðið og þrif á húsnæði. Vinsamlegast greiðið leigu á sal í viðkomandi félagsmiðstöð a.m.k viku fyrir bókaðan dag að öðrum kosti fellur bókunin niður. Óheimilt er að leigja salina án starfsmanns nema um fasta leigu sé að ræða enda sé þá gerður samningur við viðkomandi. Laun starfsmanns eru greidd af leigjanda til starfsmannsins, 3.500 kr fyrir hverja byrjaða klukkustund. Leigutaki ber ábyrgð á að skila salnum af sér eins og hann kemur að honum og ganga frá öllum borðbúnaði og tækjum. Verði tæki, borðbúnaður, innanstokksmunir eða húsnæði fyrir skemmdum ber viðkomandi leigutaka að greiða þær skemmdir.
Þeir sem vilja leigja salinn geta haft samband við félagsmiðstöðina Boðann 441-9900 eða sent tölvupóst á Stefán Arnarson forstöðumann félagsmiðstöðva eldri borgara í Kópavogi This email address is being protected from spambots. You need JavaScript enabled to view it.
Hrafnista Ísafold Garðabæ
Veislu- og viðburðarsalur er til leigu á 1. hæð í þjónustumiðstöð Ísafoldar fyrir afmæli íbúa Hrafnistu Garðabæ og tekur hann 40 – 50 manns. Salurinn er ekki í almennri útleigu en er sérstaklega leigður út fyrir afmæli íbúa Hrafnistu Garðabæ Ísafold. Verð á salnum er kr. 25.000 og leigist frá kl 16:00 til kl 20:00 á virkum dögum og frá 10:00 til 20:00 um helgar. Salnum fylgir leirtau fyrir 40-50 manns, kaffikanna, kaffipokar, hraðsuðuketill, vatnskönnur, glös og hnífapör. Salnum fylgja ekki dúkar. Leiðbeiningar með kaffikönnu eru í skáp fyrir ofan könnuna.
Ath. að ekki er hægt að fá starfsmann með í salinn, þannig að allur frágangur er á ábyrgð leigutaka.
Uppþvottavél er í rými við hliðina á salnum og allt leirtau á að skilast hreint og frágengið. Leiðbeiningar fyrir uppþvottavélina eru á vegg við hliðina á henni. Ruslapokar, kústar og borðtuskur/viskustykki eru í sama rými og uppþvottavélin og er gert ráð fyrir að salurinn sé sópaður og þurkað sé af borðum. Það þarf ekki að skúra. Mikilvægt er að allir gluggar sé lokaðir þegar farið er úr salnum.
Nánari upplýsingar gefur íris Dögg Árnadóttir í gegnum netfangið This email address is being protected from spambots. You need JavaScript enabled to view it.