Í dagendurhæfingu er áherslan lögð á markvissa endurhæfingarþjálfun einstaklinga hjá sjúkraþjálfurum og/eða iðjuþjálfa. Þjálfunin er veitt í samræmi við þarfir hvers og eins. Markmið dagendurhæfingar er meðal annars að einstaklingurinn auki og/eða viðhaldi færni sinni til áframhaldandi sjálfstæðri búsetu.

Fyrstu dagarnir  fara í að kynnast og skipuleggja einstaklingsmiðaða dagskrá sem útbúin er fyrir hvern og einn.  Endurhæfingin er bæði líkamleg og félagsleg. Sjúkraþjálfarar sinna einstaklingsmeðferð á bekk eða í tækjasal í formi verkjameðferðar, styrktar- og þolþjálfunar, veita jafnægisþjálfun og fræðslu. Einnig sinna þeir hópþjálfun í tækjasal. Íþróttafræðingar sjá um almennt íþróttastarf svo sem stólaleikfimi, boccia, pílu, stafagöngu og pútti yfir sumartímann. Félagsleg endurhæfing er fólgin í þátttöku í félagsstarfi og iðjuþjálfun. Markmið iðjuþjálfunar er að efla sjálfsbjargargetu í sínu daglega lífi. Iðjuþjálfun er ávallt einstaklingsmiðuð og byggð á samvinnu iðjuþjálfa og viðkomandi aðila. Fræðsla er hluti af dagskránni þar sem fjallað er m.a. um hjálpartæki, næringu, verki, félagsleg réttindi, byltuvarnir og áhrif lyfja á t.d.  jafnvægisskynið.  Einnig er fjallað um mikilvægi virkni sem lið í að rjúfa félagslega einangrun og efla trú á eigin áhrifamátt. 

Deildarstjóri dagendurhæfingar er Guðbjörg María Árnadóttir This email address is being protected from spambots. You need JavaScript enabled to view it.  

Sími dagendurhæfingardeildar er 585 9391.

Kynningarbæklingur Dagendurhæfingar

Umsókn um dagendurhæfingu þarf að fylgja  læknabréf og/eða hjúkrunarbréf ásamt beiðni um iðju- og/eða sjúkraþjálfun. 

Til þess að geta fyllt út umsóknina þarf að byrja á því að vista skjalið í tölvuna.

Smelltu hér til að fylla út umsókn.

Umsóknin skal send á:

Hrafnista Laugarási

b.t. Guðbjörg María Árnadóttir, deildarstjóri dagendurhæfingar.

Brúnavegur 13

104 Reykjavík