Fréttasafn

Ragnheiður Kristjánsdóttir, deildarstjóri sjúkraþjálfunar á Hrafnistu í Reykjavík, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Sigrún Stefánsdóttir forstöðumaður Hrafnistu í Reykjavík, Ragnheiður og Pétur Magnússon forstjóri.

Snapchat Hrafnistu fékk skemmtilega umfjöllun í fréttatíma Stöðvar 2 nú í kvöld. Fréttafólk Stöðvar 2 heimsótti Hrafnistu í Hafnarfirði í dag en starfsfólk á Sjávar- og Ægishrauni reið á vaðið og startaði Snapchat verkefninu sl. miðvikudag. Nú eru um 500 fylgjendur á Hrafnistu DAS snappinu.

Til að horfa á fréttina er hægt að smella á linkinn hér fyrir neðan.

http://www.visir.is/section/MEDIA99&fileid=VTVA6E8A683-0876-4C36-BAE2-704AF46317AF

Mjög skemmtilegt verkefni fór í gang í gær þegar Snapchat Hrafnistu fór í loftið. Verkefnið gengur út á það að ólíkar deildir á Hrafnistuheimilunum sex er með snappið í viku í senn og  skiptast á að senda út skemmtilegt snapp á hverjum degi. Þannig geta áhugasamir fylgst með því lífi og starfi sem fram fer á Hrafnistuheimilunum.

Endilega fylgist með snappinu á Hrafnista DAS.

Skemmtileg umfjöllun var um Hrafnistusnappið í Fréttablaðinu í dag og inn á visir.is en hana má lesa með því að smella á linkinn hér fyrir neðan.

http://www.visir.is/g/2017171209151

Monique Vala Körner Ólafsson, sjúkraliði á Ölduhrauni Hrafnistu Hafnarfirði, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri, Árdís Hulda Eríksdóttir forstöðumaður Hrafnistu í Hafnarfirði, Hrönn Önundardóttir deildarstjóri á Ölduhrauni, Monique og Hrefna Ásmundsdóttir aðstoðardeildarstóri á Ölduhrauni.  

Heilsuvika verður haldin á Hrafnistu í Hafnarfirði vikuna 27. nóvember – 1. desember.

Fjölbreytt hreyfing verður í boði alla vikuna og eru allir hvattir til að taka þátt.

Sjá meðfylgjandi stundaskrá með því að smella hér.

Iðjuþjálfun Hrafnistu í Reykjavík verður með jólabasar dagana 28. nóvember – 1. desember í Bustafelli 4. hæð. Basarinn verður opinn frá kl. 9:30-15:00 þessa daga.

Sjá nánari auglýsingu með því að smella hér.

Enn einn áfanginn í langri og glæstri sögu Sjómannadagsráðs við uppbyggingu fyrir aldraða átti sér stað í dag þegar fyrsta skóflustungan var tekin að nýju hjúkrunarheimili við Sléttuveg í Fossvogi. Skóflustunguna tóku þeir Guðmundur Hallvarðsson, fyrrverandi formaður Sjómannadagsráðs, Dagur B. Eggertsson borgarstjóri Reykjavíkur og Óttarr Proppé heilbrigðisráðherra.

Athöfnin er táknrænt upphaf verklegra framkvæmda við nýtt hjúkrunarheimili Hrafnistu fyrir 99 íbúa, en gert er ráð fyrir að jarðvinna við það hefjist í desember. Fljótlega hefjast einnig framkvæmdir við byggingu þjónustumiðstöðvar, sem Sjómannadagsráð mun eiga og reka, og þriggja 14 þús. fm. fjölbýlishúsa með 140 leiguíbúðum Naustavarar, dótturfyrirtækis Sjómannadagsráðs. Þetta verkefni í Fossvogi er fjórða verkefnið að þessu tagi sem Sjómannadagsráð hefur ráðist í frá stofnun þess 25. nóvember 1937, fyrir réttum 80 árum. Áður hefur Sjómannadagsráð staðið að sambærilegri uppbyggingu í Laugarási í Reykjavík, Hraunvangi í Hafnarfirði og Boðaþingi í Kópavogi.

Reykjavíkurborg hefur ritað undir viljayfirlýsingu við Hrafnistu, dótturfyrirtæki Sjómannadagsráðs, um rekstur hjúkrunarheimilisins og verður það sjöunda Hrafnistuheimilið. Þá hefur Reykjavíkurborg leitað til Sjómannadagsráðs um að hafa umsjón með framkvæmdum og stýra hönnun heimilisins innan samnings þess sem er á milli Reykjavíkurborgar og Velferðarráðuneytisins um byggingu hjúkrunarheimilisins. Gert er ráð fyrir að það taki til starfa á síðari hluta árs 2019. Á þeim tímamótum bætast við nærri eitt hundrað langþráð hjúkrunarrými á höfuðborgarsvæðinu.

Sjómannadagsráð mun byggja, eiga og reka fyrirhugaða þjónustumiðstöð sem samtengd verður Hrafnistuheimilinu og þremur nýjum fjölbýlishúsum með 140 íbúðum Naustavarar sem leigðar verða á almennum markaði fyrir eldra fólk. Reykjavíkurborg mun leigja hluta þjónustumiðstöðvarinnar auk þess sem aðrir sem veita þar sérhæfða þjónustu, svo sem á sviði veitinga, fræðslu, sjúkraþjálfunar, heilsueflingar, afþreyingar og menningar, verða þar einnig með aðstöðu. Í fjölbýlishúsum Naustavarar verða leigðar út íbúðir í nokkrum stærðarflokkum, en algengustu stærðir verða 50 til 70 fermetra en einnig 70-85 m2 hjónaíbúðir auk nokkurra stærri íbúða. Leiguíbúðirnar verða sérhannaðar fyrir eldra fólk sem vill búa sjálfstætt en njóta nálægðar og aðgangs að þeirri þjónustu sem veitt verður á svæðinu, m.a. sérhæfðri þjónustu sem tekur mið af einstaklingsbundinni þörf hvers og eins. Áætlað er að hefja jarðvegsvinnu undir fjölbýlishús leiguíbúðanna fyrir árslok.

Þetta eru sannarlega ánægjuleg tíðindi og spennandi tímar framundan!

Meðfylgjandi eru myndir frá skólfustungunni sem Hreinn Magnússon ljósmyndari tók:

Afmælisráðstefna Sjómannadagsráðs, eiganda Hrafnistuheimilanna, um Lífsgæði aldraðra var haldin í Hörpu í gær þriðjudaginn 21. nóvember. 

Fyrir hádegi var áhersla lögð á dagskrá fyrir starfsfólk í velferðar- og heilbrigðisþjónustu en eftir hádegi var almenningi boðið að slást í hóp ráðstefnugesta og njóta dagskrárinnar.

Ráðstefnan var hin glæsilegasta og heppnaðist í alla staði mjög vel að mati ráðstefnugesta sem voru rúmlega 400 talsins. Líklegt þykir að þetta sé ein fjölmennasta íslenska ráðstefna sem haldin hefur verið af þessu tagi, a.m.k. hin síðari ár.

Sjómannadsagsráð og Hrafnista þakka góðar viðtökur.

Meðfylgandi eru myndir frá ráðstefnunni sem Hreinn Magnússon ljósmyndari tók: