Fréttasafn

Þann 7. mars sl. áttu hjónin Sjöfn Óskarsdóttir og Páll Ólafur Pálsson demantsbrúðkaup. Af því tilefni buðu þau starfsfólki vinnustofu og heimilismönnum, á Hrafnistu í Hafnarfirði, upp á kaffi og ljúffenga tertu. Við óskum þeim hjartanlega til hamingju með brúðkaupsafmælið.

Föstudaginn 10. mars nk. verður sýnd myndin „Djöflaeyjan“ eftir Friðrik Þór Friðriksson.

Myndin verður sýnd í Helgafelli, 4. hæð Hrafnistu í Reykjavík kl. 13:00.

Yndislegir og mannelskir hænuungar heimsóttu Hrafnistu í Reykjavík í vikunni. Þeir voru 11 talsins, afskaplega ljúfir og góðir og aðeins 8 daga gamlir. Eins og meðfylgjandi myndir sýna voru ungarnir  í öllum litum, enda undan landnámshænum. Þeir skemmtu sér vel á Hrafnistu innan um fólkið. „Ungviðið vekur bros og gleði í hjarta“ sögðu ungir sem aldnir um heimsóknina.

Það var mikið líf og fjör á Hrafnistuheimilunum í dag, Öskudag, þar sem bæði heimilisfólk og starfsfólk gerði sér glaðan dag með því að klæðast búning eða öðru skrauti. Boðið var upp á rjúkandi nýbakaðar vöfflur með rjóma á öllum heimilum og börn kíktu við og sungu. Leikfélagið Verðandi, sem saman stendur af nemendum á listnámsbraut í Fjölbrautarskólanum í Garðabæ, tróð upp með skemmtilegum söngleik á Hrafnistu í Hafnarfirði við mikinn fögnuð áhorfenda.

Meðfylgjandi eru skemmtilegar myndir frá velheppnuðum öskudegi á Hrafnistuheimilunum.

Föstudaginn 3. mars nk. verður Sr. Svanhildur Blöndal  með fræðslu í Helgafelli, 4. hæð Hrafnistu í Reykjavík kl. 13:30.

Fræðsluerindi: Sálgæsla; sorg og gleði efri áranna.

Leikfélagið Verðandi, sem saman stendur af nemendum á listnámsbraut í Fjölbrautaskólanum í Garðabæ, verður með leiksýningu á Hrafnistu í Hafnarfirði miðvikudaginn 1. mars. nk.

Sýningin hefst kl. 13:30 í Menningarsalnum 1. hæð.

Allir velkomnir. Sjónvarpað verður á Hrafnisturásinni.

Sjá auglýsingu með því að smella hér

Guðsþjónusta verður haldin sunnudaginn 26. febrúar nk. kl. 11:00 í Menningarsalnum, Hrafnistu Hafnafirði.

Prestur er Sr. Svanhildur Blöndal

Hrafnistukórinn syngur undir stjórn Böðvars Magnússonar.

Föstudaginn 24. febrúar nk. verður Guðmunda Steingrímsdóttir, sjúkraliði, með fræðslu í Helgafelli, 4. hæð Hrafnistu í Reykjavík kl. 13:30.

Fræðsluerindi: Okkar eigin lífssaga.