Nú á dögunum var verið að klára innanhúss merkingar á Nesvöllum í Reykjanesbæ. Þegar Hrafnista hóf starfsemi á Nesvöllum var efnt til nafnasamkeppni og vann sú tillaga þar sem endingin - vík kom fyrir í öllum nöfnunum. Þessar víkur eru allar staðsettar á Reykjanessvæðinu og fannst okkur tilvalið að setja mynd af víkunum með á merkingarnar. Það var Einar í Merkiprent sem sá um gerð merkinganna.