Kristín Gunnarsdóttir hefur verið ráðin deildarstjóri í borðsal Hrafnistu í Hafnarfirði. Kristín lauk sveinsprófi í hárgreiðslu frá Iðnskólanum árið 1980 og prófi í snyrtifræði frá Snyrtiskóla Mona Lise Olsen í Danmörku árið 1989. Undanfarin ár hefur hún starfað við skrifstofustörf.

Kristín er okkur í Hafnarfirði að góðu kunn í gegnum störf hennar hjá Lionsklúbbnum Kaldá, en hún var formaður þar 2013-2014.

Kristín hefur störf á vormánuðum en þá mun Þórdís Georgsdóttir hverfa til annarra starfa.

Bjóðum Kristínu velkomna í Hrafnistufjölskylduna.