Hrafnista bauð starfsfólki sínu í Laugarási, Boðaþingi og í Skógarbæ á jólaball í dag. Jólaballið var haldið á Hrafnistu í Laugarási og mættu um 120 manns á ballið. Ævintýrapersónur úr Leikhópnum Lottu sáu um skemmtiatriði fyrir börnin og að sjálfsögðu var svo dansað í kringum jólatréð. Jólasveinar kíktu líka í heimsókn, dönsuðu og sungu og færðu börnunum glaðning í lokin.