Föstudagsmolar

FÖSTUDAGSMOLAR FORSTJÓRA

Föstudaginn 23. mars 2018.

Ágæta samstarfsfólk á Hrafnistuheimilunum,

Nýtt Hrafnistu-bréf að koma út

Þessa dagana er að berast okkur í hús nýtt eintak að Hrafnistubréfinu. Eins og þið líklega þekkið kemur bréfið út tvisvar á ári í um tvöþúsund eintökum. Auk þess að vera dreift til heimilismanna Hrafnistuheimilanna fer það um víðan völl. Blaðið verður með hefðbundnu sniði en það verður áfram í A4 broti eins og síðustu tvö tölublöð.

Bið ykkur að dreifa því fljótt og vel til heimilisfólks þegar það berst inn á deildir til ykkar. Sjálfsagt er líka að leyfa því að liggja frammi í öllum setustofum annars staðar þar sem fólk kemur saman.

Ef ykkur vantar aukaeintök er ykkur velkomið að snúa ykkur til Huldu S. Helgadóttur.

Starfsafmæli í mars

Nú í mars eiga nokkrir úr okkar glæsta starfsmannahópi formleg starfsafmæli. Við afhendum þeim hefðbundnar gjafir af því tilefni. Í gjafahópnum að þessu sinni eru:

3 ára starfsafmæli:Viktoría Ósk Einarsdóttir á Ölduhrauni í Hafnarfirði, Halina Zylinska á Hlévangi, Guðrún Ólafsdóttir, Sesselja S. Þórarinsdóttir og Erla Vigdís Maack, allar á Nesvöllum og María Fjóla Harðardóttir, framkvæmdastjóri heilbrigðissviðs.

5 ára starfsafmæli:Valgerður Dröfn Ólafsdóttir í Kópavogi, Ása Jónsdóttir í dagþjálfun og Elín Sigríður Bragadóttir á Sólteig/Mánateig báðar í Reykjavík.

10 ára starfsafmæli:Jadwiga T. Smolinska og Ólafur Haukur Magnússon, bæði í eldhúsi í Reykjavík.

15 ára starfsafmæli:María Ingibjartsdóttir á Vitatorgi í Reykjavík og María Guðbjörg Óladóttir á Bylgjuhrauni í Hafnarfirði.

25 ára starfsafmæli:Kristín Helga Jónsdóttir á Báruhrauni í Hafnarfirði.

35 ára starfsafmæli:Arndís Birgisdóttir á þjónustuborði í Hafnarfirði.

Hjartanlega til hamingju öll og bestu þakkir fyrir ykkar góðu störf í þágu Hrafnistu.

Gleðilega páska!

Nú eiga öll Hrafnistuheimilin að vera búin að fá til sín páskaegg en við höfum pantað heljarinnar ósköp af hefðbundnum súkkulaðieggjum. Hugmyndin með þessu er að allir í Hrafnstusamfélaginu (starfsfólk, heimilisfólk og góðvinir) fá eitt egg í tilefni páskahátíðarinnar. Vísvitandi er ekkert sælgæti inn í eggjunum heldur einungis hugmyndin að virkja þann skemmtilega páskasið að fólk fái smá súkkulaði og sinn páskamálshátt, til hátíðarbrigða.

Eggjunum verður dreift á næstunni og við treystum því að allir leggi sitt að mörgum að þau verði kláruð fyrr en síðar!

Páskarnir verða annars með hefðbundnu sniði og eftir helgina verður gefin út páskadagskrá Hrafnistu með helstu viðburðum og hátíðarmáltíðum.

Ég vil nota þetta tækifæri og óska starfsfólki, íbúum og góðvinum Hrafnistu og fjölskyldum gleðilegrar páskahátíðar!

Góða helgi!

Bestu kveðjur,

Pétur