Endurhæfingardeild Hrafnistu í Reykjavík
Sjúkraþjálfun hefur verið starfrækt síðan 1987. Árið 1997 flutti deildin í glæsilegt húsnæði sem er staðsett á lóð Hrafnistu við heimilið. Deildin er útbúin góðum tækjasal, leikfimisal, meðferðaklefum og vel útbúinni sundlaug með heitum pottum og gufubaði.
Opnunartími sjúraþjálfunar er 8.00-16.00 alla daga. Tækjasalur er opinn 11.00-12.00 fyrir utanaðkomandi.
Á endurhæfingardeildinni fer fram fjölbreytt starfssemi sem heimilismenn geta nýtt sér.
Þessi þjónusta stendur einnig þeim til boða sem eru í dagþjálfun, endurhæfingarinnlögn og
hvíldarinnlögn. Íbúar í þjónustu- og öryggisíbúðum sem eru félagar í DAS-klúbbi Hrafnistu hafa einnig aðgang að þessari þjónustu samkvæmt ákveðnum reglum. Ambulant þjónusta er fyrir íbúa í þjónustu- og öryggisíbúðum Hrafnistu og greiða þeir fyrir hana samkvæmt gjaldskrá Sjúkratrygginga Íslands.
Á endurhæfingardeildinni starfa 16 manns: 6 sjúkraþjálfarar, 2 íþróttakennarar og 5 aðstoðarmenn. 3 starfsmenn eru í sundlauginni, 1 sundlaugarvörður og 2 baðverðir.
Sjúkraþjálfarar vinna samkvæmt beiðnum frá lækni. Þeir sinna þjálfun og meðferðum, einnig sjá þeir um alla umsýslu varðandi gönguhjálpartæki og hjólastóla ásamt öllum fylgihlutum því tengdu. Algengast er að heimilismenn nýti sér aðstoð sjúkraþjálfara vegna vandamála tengdum stoðkerfinu, s.s. verkja, stirðleika, kraftminnkunar, jafnvægisskerðingar, ofl. Einnig aðstoða þeir þá sem hafa hlotið beinbrot eða farið í aðgerðir við að ná aftur fyrri færni. Að auki sinna sjúkraþjálfarar einstaklingsþjálfun ofan í sundlaug.
Sjúkraþjálfarar eru ráðgefandi varðandi húsbúnað heimilisins og heimilismanna t.d. rúm og stóla, sé þess óskað. Að auki gefa þeir ráð varðandi val á skófatnaði.
Sjúkraþjálfarar annast einnig hluta af RAI-mati heimilismanna og taka þátt í fræðslu fyrir starfsfólk s.s vinnutækni o.fl.
Aðstoðarmenn sjúkraþjálfara hafa viðveru í tækjasal, gefa heita bakstra, sjá um flutning á fólki í og úr þjálfun og sinna gönguþjálfun á deildum.
Íþróttastarf er mjög fjölbreytt á hrafnistu og sinna íþróttakennarar því að mestu. Starfsemin felur í sér stólaleikfimi á deildum, vatnsleikfimi, einstaklingsþjálfun ofan í sundlaug, boccia, pílu og pútti á sumrin en íþróttakennarar hafa yfirumsjón með starfsemi púttklúbbsins. Þeir skipuleggja og halda utan um öll mótin sem haldin eru á vegum heimilisins, og fara í keppnisferðir. Einnig halda íþróttafræðingar utan um ýmsa árlega viðburði s.s. kvennahlaup og sérrýsund.
Sundlaug:
Opnunartími sundlaugar er 8.00-11.15 alla daga. Þrír vatnsleikfimihópar eru kenndir:
Hópur 1: Mánudaga og miðvikudaga kl 10.30-11.00 fyrir heimilisfólk, gesti í dagþjálfun, endurhæfingarrýmum, hvíldarrýmum og félaga í DAS-klúbbnum.
Hópur 2: Þriðjudaga og fimmtudaga kl 10.30-11.00 fyrir heimilisfólk, gesti í dagþjálfun, endurhæfingarrýmum, hvíldarrýmum og félaga í DAS-klúbbnum.
Hópur 3: Þriðjudaga og fimmtudaga kl 8.30-9.10. Þetta er námskeið fyrir einstaklinga utan Hrafnistu. Gjaldið fyrir mánuðinn er 4000 kr.
Gufubað er opið á mánudögum, miðvikudögum og fimmtudögum 8.00-11.15. Eftir lokun sundlaugar er hún leigð út til aðila utan Hrafnistu fyrir meðgöngusund, leikfimi fyrir háls- og bak sjúklinga og ungbarnasund.
Deildarstjóri:
Ragnheiður Kristjánsdóttir
Sími:585-9380 Gsm: 693-9599
