Top header icons

COVID spurt og svarað Hrafnista á Facebook
 
Tilkynning  til dagdvalargesta vegna ástandsins í tengslum við COVID-19

Dagdvalir Hrafnistuverða áfram opnarog mun veita þjónustu þeim sem velja að mæta. Dagsvölin veitir m.a. heilbrigðisþjónustu og við erum í daglegu samandi við sóttvarnir, landlæknisembættið og ráðuneytið. Það er vilji að við höldum opnu svo lengi sem verða má.
Við virðum sóttvarnir, beitum handþvotti og sprittun og beinum því til okkar fólks að koma aðeins í dagdvölina sé það er laust við flensulík einkenni eins og kvef, hita eða hósta. Einnig höfum við gert ráðstafarnir með fjarlægð á milli gesta eins og hægt er og er samgangur við hjúkrunarheimilin ekki leyfður. Við biðjum ykkur að fylgjast vel með pósti og á heimasíðu Hrafnistu þar sem allar breytingar verða tilkynntar.

Dagendurhæfing er endurhæfingardeild fyrir eldri borgara þar sem áhersla er lögð á líkamlega þjálfun og félagslega virkni. Dagendurhæfing er tímabundið úrræði oftast 8-10 vikur í senn og einstaklingar geta verið 3-5 daga vikunnar í þjálfun. Einstaklingar eru sóttir heim í leigubíl að morgni og keyrðir aftur til baka síðdegis. Nánar um úrræðið er hægt að lesa í meðfylgjandi bækling.
 
Í dagendurhæfingu er áherslan lögð á markvissa endurhæfingarþjálfun einstaklinga hjá sjúkraþjálfurum og/eða iðjuþjálfa. Þjálfunin er veitt í samræmi við þarfir hvers og eins. Markmið dagendurhæfingar er meðal annars að einstaklingurinn auki og/eða viðhaldi færni sinni til áframhaldandi sjálfstæðri búsetu. 
 
Fyrstu dagarnir  fara í að kynnast og skipuleggja einstaklingsmiðaða dagskrá sem útbúin er fyrir hvern og einn.  Endurhæfingin er bæði líkamleg og félagsleg. Sjúkraþjálfarar sinna einstaklingsmeðferð á bekk eða í tækjasal í formi verkjameðferðar, styrktar- og þolþjálfunar, veita jafnægisþjálfun og fræðslu. Einnig sinna þeir hópþjálfun í tækjasal. Íþróttafræðingar sjá um almennt íþróttastarf svo sem stólaleikfimi, boccia, pílu, stafagöngu og pútti yfir sumartímann. Félagsleg endurhæfing er fólgin í þátttöku í félagsstarfi og iðjuþjálfun. Markmið iðjuþjálfunar er að efla sjálfsbjargargetu í sínu daglega lífi. Iðjuþjálfun er ávallt einstaklingsmiðuð og byggð á samvinnu iðjuþjálfa og viðkomandi aðila. Fræðsla er hluti af dagskránni þar sem fjallað er m.a. um hjálpartæki, næringu, verki, félagsleg réttindi, byltuvarnir og áhrif lyfja á t.d. jafnvægisskynið.  Einnig er fjallað um mikilvægi virkni sem lið í að rjúfa félagslega einangrun og efla trú á eigin áhrifamátt. 
 
Deildarstjóri dagendurhæfingar er Finnbjörg Skaftadóttir. Netfangið hennar er This email address is being protected from spambots. You need JavaScript enabled to view it.
Sími dagendurhæfingardeildar er 585 9390.
 
Umsókn um dagendurhæfingu þarf að fylgja  læknabréf og/eða hjúkrunarbréf ásamt beiðni um iðju- og/eða sjúkraþjálfun. 
 
Til þess að geta fyllt út umsóknina þarf að byrja á því að vista skjalið í tölvuna.
 
 

Umsóknin skal send á:

Hrafnista Laugarási

b.t. Guðbjörg María Árnadóttir, félagsráðgjafa.

Brúnavegur 13

104 Reykjavík

 

 

 

Til baka takki

Fótur - rvk

  Hrafnista Laugarás ~ Sími 585 9500  Brúnavegi 13 ~ 104 Reykjavik ~ kt. 640169-7539 ~ hrafnista@hrafnista.is

 

 

 

 

 

Þessi vefsíða notar kökur (cookies). Með því að halda áfram að nota vefinn, samþykkir þú þessa virkni vefsins.
Samþykkja kökur